傅穎 9月就 26歲,啱啱細羅仲謙一個月,年齡外形都襯到絕,如果傅穎真係睇中人,不妨大膽追, 80後唔講邊個做主動啦!《蘋果日報》圖片

食好嘢

出書示愛 微波傅穎暗撻巨胸謙

2010年06月16日

書展又到,貴為宅男女神兼才女嘅傅穎( Theresa),今次打孖繪本、寫真連環出擊。去年一本散文爆受愛情騙子玩弄感情,今次就自揭暗戀肌肉男。
暗戀本來好小事,不過據知傅穎中的,原來係同公司巨胸戇直男羅仲謙,傅穎於書中更不避嫌話:「常幻想你的肌肉……好想一口咬下去。」女神都有猴擒時。
傅穎出書示愛,羅仲謙係時候再操 fit啲餵女神喎!

傅穎同方力申富貴好友蘇頌智( Neal)甩拖, 08年先後傳過被林建岳大仔林孝賢同台灣幫棒棒堂敖犬力追後,便一直冇乜緋聞 dry爆, 26歲女點會唔想拍拖。

 

口咬胸肌

Dry足兩年芳心動嘅傅穎,近日在將出版的繪本散文中講明暗戀肌肉男,繪本中除寫到:「常幻想着你胸前的兩塊肌肉,是多汁肥美的肉扒,很想一口咬下去;這不是色,只是你身體呈現的狀態,使我有這種聯想。」又話自己「相信緣分自有安排……渴望真心的愛情,也渴望婚姻是永遠永遠的承諾。」又奔放又渴望結婚,加上傅穎一向興跟同公司男星傳吓緋聞,自然令人聯想到她的同門師弟羅仲謙。
知情人士說:「其實佢話想咬嗰位肌肉男咪係謙仔囉,開頭本書初稿有段提到話傅穎嘅初戀情人好似謙仔, Theresa又勁讚謙仔又乖又純,唔似佢識啲男仔咁口花花,不過後尾呢段文刪咗。佢哋近排都成日出街,傅穎好少肯約男仔出街 o架,公司好多人都覺得傅穎暗戀人又唔敢講囉!」
雖然 Theresa明示暗示都做齊,羅仲謙再戇直都應該睇得出,明知女神愛巨肌,難怪本刊上週連日發現謙仔密密上私竇健身室舉鐵擴胸,務求 keep住巨肌身形。本週一( 14日)問到謙仔被女神睇中,謙仔好鬼謙:「我哋係好朋友啫,都有一齊食吓飯,我唔知佢鍾意乜嘢類型男仔喎,我諗佢唔會暗戀我啩?」而傅穎則說:「大家普通朋友啫,食吓飯好平常,咪咁敏感啦!」暗戀男未到手,都係低調啲穩陣,明嘅!

 

傅穎的繪本內除寫有「咬胸肌」言論外,仲有段對愛情自白,自稱覺得感情好脆弱,難怪要大隻男畀安全感啦!

懷疑愛
愛情和婚姻對我來說同樣脆弱
或許是我不相信那種幸福美滿的愛情會降臨我身上 同時也懷疑對方和自己能否相愛至天長地久

咬胸肌
常幻想着你胸前的兩塊肌肉 是多汁肥美的肉扒
很想一口咬下去 這不是色 只是你身體呈現的狀態 使我有這種聯想

 

影肌寫真

我哋間中有食飯(真實對白)
我哋間中有食飯(真實對白)

 

羅仲謙操至 42吋胸肌身形 fit爆,據知有人曾出價搵謙仔拍寫真,但星皓發言人說:「係有人傾緊,不過未決定點影,價錢就唔好講啦,就算影都唔會安排喺書展出。」

拖出場

5月頭《葉問 2》首映,羅仲謙用有力大手捉實傅穎出場,你睇傅穎當時笑得幾開心,邊個女仔唔想俾仔拖先?

 




 




 

握到實




 

傅穎今年初仲專程去睇羅仲謙有份演出嘅舞台劇《江青和她的丈夫們》,謙仔仲搭實女神膊頭影合照,女嘅都暗示晒咯,羅仲謙去馬啦!

寫真米原出手

今年 o靚模剝衫出書來勢洶洶,快將 26歲的傅穎為求成功突圍,除咗出繪本自爆暗戀大隻男,另外更請了幫過 Angelababy和日模星野亞希影相的日本名攝影師米原康正出手,兩本新書將於書展推出,售價未定。

 

大師出手

 

 

寫真集內米原繼續玩肢解同寶麗來 feel,傅穎話:「見到佢一截截咁影,我覺得好得意。」
寫真集內米原繼續玩肢解同寶麗來 feel,傅穎話:「見到佢一截截咁影,我覺得好得意。」

 




 

傅穎寫真有水着有內衣,但她強調唔似 o靚模齋剝,傅穎話:「唔好集中睇我着幾少衫。」
傅穎寫真有水着有內衣,但她強調唔似 o靚模齋剝,傅穎話:「唔好集中睇我着幾少衫。」

 

地踎鐵館

羅仲謙常到的「大埔健美中心」位於大埔一唐樓內,環境殘舊但係收費唔平,想玩先要畀入會費$100,之後每月收$350,計落分分鐘貴過大型連鎖店。

 

大力拉

我扯!(設計對白)
我扯!(設計對白)

 

謙仔係鐵館常客,一入內已經同幾名大隻男打招呼,之後就自己坐低拉機練老鼠仔,有姿勢有實際。

密密舉

練大隻啲!(設計對白)
練大隻啲!(設計對白)

 

練完一陣老鼠仔,羅仲謙再走埋去舉 90磅啞鈴,其間有朋友仔問佢電視台啲姐仔靚唔靚,羅仲謙就話:「 Ok啦,都係咁啦!」似乎對班小花冇乜興趣。

港姐蜜糖

羅仲謙週一( 14日)隨港姐出發往印度外景,喺機場影合照時仲扮鬼扮馬引港姐笑,搞到班木獨港姐鬼咁開心,連唔識佢嘅大熱翻版湯唯李文煊都話:「我知佢好大隻!」謙仔大隻響朵喎!

 




 

李文煊:我知佢好 nice、好大隻。
李文煊:我知佢好 nice、好大隻。

 

莊思明:佢好好人,家姐(莊思敏)同佢熟啲,仲叫佢照顧我添。
莊思明:佢好好人,家姐(莊思敏)同佢熟啲,仲叫佢照顧我添。

 

食得就手

《蘋果日報》圖片
《蘋果日報》圖片

 

傅穎除早年傳過同何韻詩有斷背情外,之後一直有唔少異性埋身,不過傅穎多年來傳過拍拖的大多是同門男星,而另一曾斷正的富貴男友蘇頌智則是方力申老死,好鬼就手!

'05 撻着小方
方力申因與 Theresa合唱〈自欺欺人〉時撻着,小方仲直言:「好多人話 Theresa唔易追,所以追佢特別有挑戰性。」

《蘋果日報》圖片
《蘋果日報》圖片

 

'06 食飯斷正
經方力申介紹認識任職於跨國人力資源顧問公司的蘇頌智( Neal),即時被男方熱烈追求並拍拖,後有指 Theresa為了力保事業及人氣而與男方分手。

《蘋果日報》圖片
《蘋果日報》圖片

 

'08 岳子勁追
傅穎與林建岳之子林孝賢在蘭桂坊食意大利菜,離去時二人刻意保持距離,再由男方送回西環香閨。




 

'08 追台灣仔
Theresa因與棒棒堂成員敖犬拍電影《熱血同盟》而撻着,更將二人台灣遊照片放上官方 blog上。




 

'09 爆花心基
傅穎推出新書,書中更講到自己遇上愛情騙子,雖然冇開名,但有傳係花心鄭中基。

arrow
arrow
    全站熱搜

    stinglife 發表在 痞客邦 留言(0) 人氣()