36歲嘅YoYo完全零化妝，睇真啲，依然仲見得吓人。

早前港台嗰套《火速救兵II》，自薦演女消防隊長嘅YoYo（蒙嘉慧）爬出窗外救企圖跳樓嘅李蘊，跟住又爬山救有老人痴呆嘅老翁，雖然演得一集，但都搏晒命，完全唔錫身。伊健肉唔肉痛就唔知，不過媽咪姐就睇到心都離埋。


過完戲癮，又回復hea狀態嘅YoYo，前幾日喺Landmark單拖行街街。可能冇伊健喺身旁，YoYo行街好似遊魂，全程頭耷耷，一味顧住玩電話又唔睇路，隨時撞親都唔知，萬一出咗咩意外又要麻煩到救護員嚟幫手，到時就唔好啦，Madam YoYo。 ####


行又玩 YoYo全程手機不離手，媽咪姐仲睇到佢喺度whatsapp緊，對手係咪伊健就唔知囉。


企又玩


YoYo自薦演出《火速救兵Ⅱ》，雖然拍得辛苦，但成績同口碑唔錯，都有啲安慰。


就算whatsapp俾我都要睇路行呀。（設計對白）


冇劇拍嘅YoYo，最近與卓韻芝、呂慧儀合作主持一個女性雜誌式節目《三個女人一個墟》。可能佢主持經驗唔多夠，反唔及呂慧儀搶鏡。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄