Day 1：五卡巨鑽
Karen上庭時經常以左手撥頭髮， 記者都好難唔發現佢隻五卡巨鑽。

媽咪姐一向認為男歡女愛合則來不合則去，冇乜大不了。但好似鞋王包三奶包到對簿公堂，就真係超級肉酸。


早兩日呢單擾攘多年嘅孽緣終於在高院開審，現年68歲嘅鞋王鄧劍群向41歲嘅前三奶李姿霆（Karen）追討三個物業嘅售樓得益，估計約逾2500萬。想當年兩人相識十日就發生肉體關係， Karen仲幫鞋王生咗個女，最得寵時鞋王送樓又送珠寶，好不闊綽。後來Karen高調戀上港男黃長發，鞋王成頂綠帽由頭笠到落腳趾尾，唔嬲就假，於是反轉豬肚一拍兩散。
為咗攞番筆包養費，鞋王在庭上自爆同Karen熱戀時性生活頻密，又話女方為人大話信唔過，諸如此類。本來清官難審家庭事，但媽咪姐覺得男人應該有番啲風度，做唔到再見亦是朋友，都唔好完唱。你屋企有老婆仲要出去搞三搞四，擺明係「消費」啦。人哋女仔細你27年，同你講心係人情，講金係道理，鞋王唔係咁都唔明呀？
Karen依家冇咗條大水喉射住，但出入都有五卡巨鑽傍身，手袋又係兩萬蚊嘅意國名牌BV，雖然唔係今季款式，但都叫做充得下場面，輸人唔輸陣。剩女嚟講Karen都算有啲貨，幫襯婚姻顧問Mei Ling 都仲得啦！


三年前Karen同疑似「鴨仔」黃長發愛得痴纏，其間仲玩鴛鴦戲水，慾海逐浪。

滿城風雨四個月
09年2月Karen與黃長發嘅姊弟戀鬧得滿城風雨，多次出現雜誌大封面，只係估唔到兩人四個月就玩完，非常兒戲。


年近七張嘅鞋王十分貪靚，本周一在庭外自稱每周食冬蟲夏草和長白山人蔘補身，仲問記者自己「似唔似阿伯，靚唔靚仔」。媽咪姐想講句，鄧伯伯你幾靚仔都冇用，做人要有品先得。 ####


Day 2：名牌手袋
BV 手袋加透視黑bra，唔知仲以為三奶蒲緊老蘭。


Day 3：房車接送
出入有七人車接送，司機為避記者仲識兜入橫街窄巷。


09年2月


09年4月


09年6月



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄