素顏嚇人
林莉當日行經文具舖， 入去混咗十五分鐘吉先走，見佢一身亂七八糟嘅衣着，再加蓬鬆亂髮，實在慘不忍睹。

多得《盛女愛作戰》呢個節目，呢排個個盛女開口埋口都話要打botox留住青春，再唔係就話上人生課程增值自己。


媽咪姐認同，呢個世界冇醜嘅女人，只有懶嘅女人。好似前幾日，媽咪姐就見到前港姐季軍林莉，唔化妝着住條娘震大肚裙喺沙田遊街。
其實佢自從兩年前俾內地W富商狠飛後，其間都冇乜新戀情出現過。
老實講，當日見到林小姐，媽咪姐真係要定定神先認到佢。事關素顏白臉已經趕客，加埋求其搵條橡筋紮住嘅蓬鬆亂髮，唔知嘅仲以為未婚嘅佢榮升師奶行列。成日話冇拖拍嘅佢，想搵筍盤，奉勸執執佢啦！
####


揀方包
睇完雜貨，林莉就到附近餅店買了一磅白方包。


放蚊
由天光遊到天黑，林莉攰到忍唔住當街放蚊。


等巴士
有富商照顧時，出入有保母車載的林莉，當日竟然選搭巴士返屋企，返璞歸真。


女人唔執好易老。﹙設計對白﹚

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄