練蝴蝶手彭浩翔正式拍MV之前，好彩同王馨平先補補鐘。動作就似模似樣嘞，不過個樣就……

《春嬌與志明》票房直逼三千萬大關，導演彭浩翔之前講過話票房大賣，會學余文樂一樣，化濃妝反串做王馨平拍〈別問我是誰〉MV。媽咪姐開頭以為彭導演口爽爽得個吹字，估唔到佢會嚟真！


為咗拍得神似，彭導演拍MV當日，專登硬塞成磅海綿營造激凸身材，再加一個特濃厚妝，「省鏡」外貌嚇窒現場所有人。原本彭導演搵咗王馨平嚟探班，教佢做蝴蝶手勢。點知王一嚟到，即揞住嘴狂笑話：「哈哈，我完全唔認得你，我邊有你咁好身材！」媽咪姐仲收到風，導演拍MV前一日已經敷定mask同浸牛奶浴，諗住以最佳狀態示人。雖然現場冇乜人識欣賞，不過MV會安排喺禮拜四（19日），套戲播完余文樂惡搞MV之後播放，希望彭導演到時搵到知音人啦！

余文樂摸黑買外賣
惡搞MV有新血，「行先一步」嘅余文樂反而樂得輕鬆。前幾日媽咪姐見佢揸住架160萬Benz jeep喺跑馬地買外賣返屋企，見到記者仲揮手嗌hi。梗係啦，之前俾人話係票房毒藥，余生今勻靠《春嬌》彈出，唔風騷就假！ ####


攞命cute樣孖公仔玩到尾，大家豎起食指扮cute，認真攞你命三千！


似詹瑞文彭浩翔身為導演都唔介意大玩騎呢，實在值得一讚。不過佢話就話扮王馨平，但睇落去似啱啱喺《金像獎》潤彭導以前啲戲唔收得嘅詹瑞文多啲喎。


千嬅余文樂主演的《春嬌》票房突破三千萬，連帶戲中客串只有兩分鐘的王馨平都翻生，更話會開演唱會㖭。


王馨平老竇王羽早前直斥鄭嘉穎冇出息。周日金像獎頒獎禮，兩父女一同現身，王羽亦冇再亂噏嘢。


日前媽咪姐見余文樂揸架價值160萬嘅黑色Jeep Wrangler四驅車，啲玻璃又黑色，如果唔係佢着米色衫褲，真係冇人見到佢。


余文樂早前照dup王馨平MV非常成功，酬勞亦袋袋平安。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄