迷糊啜吳卓羲坐喺演員休息位置，不停係咁吸，仲吸到一臉迷迷糊糊㖭！

無綫40集長劇《名媛望族》喺上海趕拍，有份主演嘅小生花旦都齊齊飛去當地，日日拍足18個鐘，都咪話唔辛苦。上周二（10日）吳卓羲等一班演員晨咁早入咗片場stand by，不過吳卓羲等咗幾粒鐘都未收到通知埋位。難得可以hea，佢一於話之張馨予定官恩娜，喺片場煙駁煙上足電，進入忘我境界。其實要hea都有好多辦法，可以睇劇本，唔一定要扯煙啫，媽咪姐都係為你健康着想咋。

 

楊怡最勤力
媽咪姐上期帶大家見識過楊怡喺上海拍《名媛望族》時點樣架勢，不過排場勁唔代表好食懶飛。好似上周二（10日），楊怡喺當地片場等埋位嗰陣，就好勤力咁學嘢增值自己。 ####


伸懶腰扯到條氣有啲chok，伸一伸懶腰先。


解褲頭扯煙扯到飽晒，發福唔少嘅吳卓羲惟有解下褲頭，用最relax嘅狀態去迎接下場戲。


由於《名》劇有場戲需要楊怡做大戲去奪取劉松仁嘅歡心，所以佢一有時間就搵老師教做手同企姿，不過動作就略嫌生硬咗啲。


楊怡用咗兩個鐘先化好大戲妝，等埋位期間不停打喊露，拍劇真係好攰。

arrow
arrow
    全站熱搜

    stacylife 發表在 痞客邦 留言(1) 人氣()

    E-mail轉寄