我有心又有力，唔使人工受孕嘅！（設計對白）雖然恨生女，但祥仔就話暫時唔會考慮人工受孕。睇嚟佢對自己嘅生育能力都好有信心。

黎耀祥最近出席BB網站活動時，自爆恨女恨到發燒。佢話生兒育女要睇緣份，喺個仔幾歲大時，佢就一直不設防想博多個女，依家個仔都14歲，依然未博到。媽咪姐收到風，其實係祥嫂心急生女，因為始終佢年紀唔細，早排仲因為咁同老公有拗撬㖭。


原來，呢兩年祥仔因為工作，經常返大陸頻頻撲撲，體力透支，又邊有心機造人吖？祥嫂就同班friend呻，話老公成日出外做嘢，影響佢「造女」計劃。最後祥仔都係妥協，拍完《大太監》，佢特登向無綫請咗兩個月假，話同老婆去旅行，希望心情輕鬆下成功造人喎！媽咪姐就舉腳贊成，做嘢可以做成世，但有啲嘢錯過咗就冇，成日話有仔趁嫩生就係咁解！ ####


祥仔一向就老婆，老婆出到聲叫佢放假配合造人，搵少啲都要㗎啦！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄