出爐影后
上周，64歲嘅Deanie姐被影到一個人出入。孤身一人嘅Deanie姐照出街買衫，滿載而歸，冇伴仍然可以開心快活。

《盛女愛作戰》全城熱話，我媽咪姐都一邊睇一邊鬧。參賽者腌尖腥悶、性格港女，完全不知所謂。嗰班導師更加離譜，以偽心理學大發「偉論」，自己騎呢就算啦，仲要誤人子弟，豈有此理！


諗深一層，班「盛女」其實都好可憐。對愛情盲目偏執，咪盞累人累己。望望葉德嫻（Deanie），雖然自細缺乏家庭溫暖，經歷過婚姻失敗，至今孤身一人。但假如佢執着過去嘅不愉快，又何來今日6料影后、金像獎「最佳女主角」嘅成就。頒獎禮前夕，媽咪姐見到Deanie姐同老友甘國亮喺ifc挑選戰衣，閒時冇嘢做，咪一個人周街逛囉，幾咁逍遙自在。
你話Deanie姐冇遺憾，點會！只有化歷練為力量，活在當下先至係王道！講到尾，「盛」與「剩」，其實都係心態調整問題。盛的剩不了，剩的盛不了， 諸法無相無我，作為兩性歪理專家嘅媽咪姐（Please call me Mamitino），45度同大家講嘅。 ####


甘國亮陪shopping
頒獎禮前夕，Deanie姐背包放前胸，打扮樸素，同甘國亮到ifc shopping，兩人有講有笑，friend過打band。


影后平民逼
Deanie姐貴為影后，但冇乜架子。即使電梯擠滿人，Deanie姐亦同甘國亮逼埋一份。


Deanie姐憑《桃姐》6度封后，帶旺契仔劉華攞埋影帝。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄