MV中飾演學生「張子銘」和「張子玲」，現實中早喺 08年拍《烈日當空》時已經認識，亦同導演麥曦茵合作無間，駕輕就熟。

台片《那些年，我們一起追過的女孩》收過 5,576萬，迫近《功夫》紀錄，搞到個個話要重溫校園純愛 feel。
不過初戀唔一定浪漫，最近陳奕迅新歌〈張氏情歌〉除咗有學生純情拍拖外，仲有一幕學生妹俾人喺樓梯　裙底， MV一出個個話超激。
最激係豪放學生妹原來得 19歲，雖然意識大膽，不過曾拍過《囡囡》做援交妹的女角王敏奕就話：「我覺得冇乜嘢喎！」後生可畏呀！

陳奕迅（ Eason）新歌〈張氏情歌〉，由杜汶澤構思故事、麥曦茵負責執導，故事講女主角周旋於兩個男同學之間，女生被男生喺樓梯摷裙底的鏡頭引來熱話，除話 MV拍得有《那些年》 feel外，更話摷裙底嗰幕好激好露骨。



麥曦茵：兩個月前已有構思，嗰時《那些年》都未上！

陳奕迅：我覺得 ok嘅！不過都應該加句家長指引。

APA仔摷裙

有網民誤會摷裙底嗰個係 Eason，其實呢位學生哥，亦係之前拍過《烈日當空》嘅演員， 21歲嘅 𧝁天揚本身係演藝學院舞蹈系學生。呢一幕搞到畀人話挑戰道德，兩人話其實都係借位，唔係真摷嘅。



 

意識大膽

 




 

點擊過 50萬

 



Eason今次〈張氏情歌〉 MV，喺 YouTube上所有頻道加埋點擊率超過 50萬，咁激梗係個個仆住睇。

MV中林耀聲飾演學生時期嘅 Eason，睇見自己心愛嘅張子玲鍾意咗第二個，而大個咗聽到女神要結婚，咦……呢種滋味，九把刀就最清楚喎！

純底學生妹

MV中女主角，其實係只得 19歲王敏奕（ Venus），在陳慧琳、蔡卓妍做師姐嘅玫瑰崗中學畢業，𠵱家則在 City U讀法文。其實 Venus 14歲已入行做模特兒，之前亦拍過幾套題材大膽嘅戲。 08年未成年嘅佢就俾麥曦茵發掘，拍咗套校園話題三級作《烈日當空》，上年又拍咗套以援交做題材嘅《囡囡》，專演挑戰道德嘅豪放妹。
本刊上週四（ 24日）約埋男女主角做訪問，演開豪放援交妹嘅Venus真人其實好鄰家，訪問當日仲啱啱學完法文放學趕嚟，問佢拍攝時有冇尷尬， Venus就話：「其實嗰一幕我覺得冇乜嘢喎，事前杜汶澤有同我傾過，而拍攝時佢哋都有同我講如果唔舒服隨時可以 stop，加上導演及演員都識咗好耐，所以都唔會尷尬。」
而飾演學生版 Eason，睇住女友俾人摷裙底的男角林耀聲（ Sing）就話：「開頭我唔知個 MV係咁，即場先知，不過我都好鍾意呢個 MV，如果我拍拖個女朋友係咁我會好嬲。」如果陳嘉桓有你在抽水現場，好好多囉！



兩人唔只第一次飾演學生，喺 08年二人仲讀緊書時就已經拍麥曦茵套《烈日當空》，飾演 F.5問題學生。

 

《烈日》男女



拍羅仲謙

雖然可能對林耀聲及王敏奕比較陌生，但其實兩人除咗 08年拍過《烈日當空》外，各自都拍過唔少廣告及作品。

林耀聲（ Sing） 21歲
有港版張震之稱，同樣演過《烈日當空》，最近就拍港台劇《火速救兵 2》，飾演羅仲謙細佬，亦客串過電影《維多利亞壹號》及《志明與春嬌》，仲忙於幫理工及城大學生拍實驗電影。



拍《 Diva》

王敏奕（ Venus） 19歲
拍過好多港台劇， 06年拍過《過渡青春》，亦拍過側田〈愛的習慣〉 MV當女角，電影除 10年《囡囡》外，亦剛拍完由麥曦茵執導，由容祖兒及林欣彤合演嘅《 Diva》，戲中同杜汶澤較多對手戲。

默契十足


 

 

Sing同 Venus合作過咁多次，拍攝時叫對方互望，兩人都忍唔住笑。不過一埋位就默契十足，果然係好拍檔。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄