唔睇波 超錯！全城藝人撐世盃 起錨！
四年一度的球壇盛事世界盃昨晚在南非隆重揭幕，基於今年由有線獲得獨家播映權，無綫及亞視兩家免費電視台無緣播放，所以全港多個商場均於昨晚直播世盃開幕禮，並各邀人氣暴乳 o靚模及藝人搖旗吶喊響頭炮。宅男女神周秀娜以低胸短褲 look加老牛歌聲坐鎮奧海城、百果園 E神陳靜及黃婉曼力撐觀塘 apm、李克勤及黃宗澤則守荃灣，眾星各據一方，但齊心起錨誓掀全城足球熱。
相關影片 全城藝人撐世盃 起錨！棒棒堂又咀又抱迎世盃 其他娛樂名人影片 觀塘 apm百果園 E神谷胸逼爆波衫
百果園 E神 DaDa（陳靜）、孫耀威（ Eric）及關楚耀（ Kelvin）等，昨晚於 apm出席「全城瞓身睇世盃」，谷胸上陣的 DaDa，穿上一件超細的巴西球衣示人，令其豐滿上圍逼爆球衣，她說：「件衫太細好緊，我唞氣都辛苦，講嘢都冇氣，我怕大動作會爆衫。」她透露日前往婦科醫生檢驗胸部，醫生指她乳腺比脂肪多，故減肥也不擔心縮胸。
放大圖片 
Liz穿上開胸背心，以極性感打扮與球迷睇世界盃。
放大圖片 
天氣女神黃婉曼昨晚到 apm任嘉賓，未知會否爆肚說句「家跳出香港，睇吓南非盛況」呢？
黃婉曼賺錢難
Eric穿上印有阿根廷球員美斯的球衣到場，被人取笑是由於美斯的名字與其女友陳美斯的英文名 Macy相似，他說：「唔關事呀，我鍾意佢好球技。」 Kelvin希望阿根廷捧盃，並說：「馬勒當拿話贏咗裸跑，我想睇呀。」問到二人有否見過百果園 E神？他們笑說：「我哋只識公司個 Eason（陳奕迅）。」另外，前天氣女郎黃婉曼昨日在觀塘出席世界盃活動，最近人氣爆燈的她被問到收入是否增加不少？她笑說：「多勞多得，家真係知道錢係唔容易搵。」採訪：胡比、楊潔雯 攝影：彭琮然
奧海城周秀娜晒 32D唱歌
周秀娜昨晚率領師妹新 8模到奧海城出席世盃宣傳活動，現場有近 3,000名觀眾，其間大會更安排英國花式足球運動員 Dan Magness於玻璃箱上連續拱球 26小時創健力士世界紀錄，又向部份 VIP觀眾派發鮑魚及鵝肝小點，氣氛熱鬧。
放大圖片 
周秀娜昨晚以比堅尼配超短褲出席世盃活動，載歌載舞的她揚言已做足防走光措施。
放大圖片 
周秀娜率領新 8模師妹宣傳全城足球熱，肉光四濺。
捧美斯好波
身為活動主角的周秀娜穿比堅尼及超短牛仔褲上陣，既騷 32D咪咪又大展歌喉，問她會否擔心如胡杏兒般走音？她笑說：「我唔係專業唱歌，搵餐晏仔啫，我嘅聲線畀朋友婉轉讚係沉得嚟比較特別，即係老牛得嚟帶嬌嗲。」周秀娜強調自己有穿打底褲不怕露毛，又大講爛 gag是老模不是 o靚模。她又謂自己會跟朋友賭波，但不會去馬會，至於追捧哪隊？她說：「阿根廷，鍾意美斯，睇技術為先，靚仔係 bonus，但 C朗同卡卡都靚仔嘅。」採訪：梁錦雯 攝影：仇志德
荃新天地李克勤捱夜睇波呻辛苦 放大圖片 
克勤貴為世界盃之星，四年一度總有一段時間特別活躍。
李克勤、陳肇麒（陳七）及郭建邦等昨晚到荃新天地出席世界盃活動，英格蘭超級球迷克勤表示活動後會立即返家睇波，他說：「呢排好攰，都唔使旨意有得瞓，因為要做節目，所以冇可能睇晒咁多場，父親節都唔得閒理，其實球迷仲辛苦過球員。」
教仔捧英格蘭 放大圖片 
香港福將陳七食老本食到世盃，凡有足球活動例必見他露面。
克勤又指兒子也識睇波，經常問朗尼在那裏，他笑說：「佢好細個我已灌輸佢要捧正確球隊，我係英格蘭 fans，佢點都捧。」政府昨日對南非發出黃色外遊警示，克勤表示知道此事，他說：「初初已經冇諗過去南非睇，因為家人反對，我身邊都冇朋友去，只聽聞陳百祥諗過去，但都唔擔心佢，因為佢人面廣。」克勤又指譚詠麟雖然有世界盃門票，但沒時間欣賞。採訪、攝影：譚倩宜
九龍灣展貿任達華啖荔枝賞波 放大圖片 
任達華昨晚與一班 World Cup Angels合照。
任達華、蔣怡及袁彌明昨晚到九展出席有線「 2010世界盃嘉年華隆重揭幕」，現場可招待 500位觀眾，不過需一段時間才滿座。剛由內地返港的任達華由東莞帶了 10箱荔枝到場，與大家一邊吃一邊睇波。
憂南非治安 放大圖片 
身為嘉賓主持的蔣怡以龍鳳呈祥服裝示人，十分喜慶。
問任達華為何不到南非睇波？他說：「之前同尚格雲頓（ Jean-Claude Van Damme）喺南非拍戲有陰影，坐車時俾另一架車跟，好彩司機醒目撇甩。」此外，無綫電視業務總經理鄭善強昨日在電視城出席「傑出員工嘉許計劃」，被問到世界盃在 J2台播放的廣告收益與上屆在翡翠台播放有否差別，他表示形式與上屆不同，故不能比較。採訪、攝影：胡比、何慧斯
大埔超級城棒棒堂率千人撐世盃 放大圖片 
棒棒堂三子來港與 fans一起迎接世界盃開幕。
台灣組合棒棒堂成員王子、毛弟及小傑等，昨晚在大埔超級城出席世界盃活動，吸引逾千 fans捧場，場面勁墟冚。三子表示會睇世界盃開鑼，問他們過去有否陪女友看過波時，他們即緊張地說：「我們沒有女友。」毛弟表示有想過到南非睇波，問他們知否當地治安很差？他們說：「吓？不清楚，幸好最近不用到南非工作。」採訪：李全
愉景新城黃宗澤熱捧荷蘭隊 放大圖片 
黃宗澤和馬國明昨日齊為世界盃開幕打氣。
黃宗澤（ Bosco）、馬國明和高鈞賢等昨晚在荃灣愉景新城出席世界盃活動， Bosco自言一向愛睇波，最喜歡荷蘭和南韓，但也不會因睇波而冷落女友，又笑言讀小學時試過偷舅父的電單車手套扮守龍門。馬國明則表示會捧英格蘭，他說：「我以前都有踢波，仲試過唔小心整到兩隻手斷骨。」採訪、攝影：譚倩宜 
百果園 E神陳靜昨晚穿上波衫現身觀塘，但也掩蓋不了玲瓏浮凸的身段。
留言列表
{{ article.title }}
