小胡（ 36歲） 主音、結他 正職 product design 創作必用 app： Guitar Reference，彈怪 chord時可以參考點㩒。
FACEweekly
麻甩仔的 YELLOW浪漫
由野仔出發， 11年間大玩中學生初戀、台灣味濃曲， 2年前雖缺陣了剛成為爸爸的靈魂人物
主音少爺占，但 4口子依然繼續音樂理想，更改埋隊名叫 Yellow（諧音野佬）。
由野仔變成野佬，音樂路線更紮實，歌詞探索廿到尾、三十歲頭男人心事，早前派台曲
〈上面話 OK〉電台更日播夜播，係威！今日等呢班麻甩野佬各自各分享男人的浪漫。
Wilson（ 36歲） 結他手 正職李寧品牌 Ni Ling graphic design 創作必用 app： Drum Machine，可以再在介面上打鼓節拍。
Ming（ 32歲） 鼓手 正職少爺占品牌 MeeH設計師 創作必用 app： Tempo可以打出鼓的節拍，插住 earphone更可聽住打鼓。
Chris（ 40歲） 低音結他、鍵盤手 正職唱片公司宣傳部 創作必用 app： Tone Pad，可以在介面上用手指任畫加不同節奏。
最新大碟《 Our Memories Are...》講野佬 2年回憶， 7首歌中哪首自己最喜愛？
胡：〈差利先生〉是 Yellow第一首歌，代表着樂隊的一個開始。
Chris：〈初戀無知〉是上年為《愛可以多狗》舞台劇開場曲，做足咁多場就唱足咁多場，見足隊友 7日。
Wilson：〈麻不甩〉用咗好多心機寫，講我哋麻甩仔冇錢買樓心聲，好中成班隊員半開工半夾 band感受。
Ming：作〈上面話 OK〉呢首歌係有次拍音樂節目諗住綵排，點知工作人員話可以收工，因為上面（監製）話 ok喎，好真！
由野仔去到 Yellow，怎面對最困難時期？
Chris：之前每隻碟方向都由阿占定，不過亦因為咁， Yellow試到好多新曲風。
胡：我就更要學習搞氣氛，唔好令觀眾有 dead air，好在表演機會多，有機會學習。
Wilson：冇咗阿占，觀眾唔認得我哋前身就係野仔，但會更決心做好每場騷，表演更落力。
Ming：有次去表演，俾保安攔住我去後台，話 fans唔可以入去，我指住紙牌我個樣，先畀我入去，哈哈。
近期 Clockenflap、 BLOHK PARTY到上星期的草民音樂節，都只在西九海濱長廊發生。你們覺得香港的表演場地足夠嗎？
胡：好記得上月 Lion Rock音樂節都在西九搞，我們表演之時撞正日落，個感覺超正。
Chris：自己好鍾意九展入面畀樂隊表演的 Music Zone，個場唔大，同觀眾距離更近。
Ming：以前商場都唔會邀請樂隊去表演啦，現在聽眾比以前開放咗好多，都有好多商場騷接。
Wilson：鍾意同觀眾近啲，之前 8月有個 Fringe Club表演，同觀眾唔夠幾呎距離，好多互動。
成日話香港人要撐本土音樂， Yellow又同哪樂隊最好朋友？
胡：私底下會同 Rubberband鼓手泥鯭飲啤酒傾偈，佢最鍾意 share外國樂隊資訊畀我。
Chris： Rubberband低音結他手阿偉成日"摟"一齊研究點樣 jam歌，成日話可以「咁樣咁樣彈」喎，但我又話我未必彈到喎，哈哈。
Ming：試過去樂隊 Kolor位於葵涌的 band房錄音，主音 Sammi會一齊交流吓點樣做音樂，樂隊之間都好 support大家。
Wilson：哈哈，我試過同 Josie& The Uni Boys鼓手 Kevin Boy跑 10K比賽講跑步心得，算唔算有交流？哈哈。
2014年， Yellow有甚麼目標？
留言列表
{{ article.title }}
