Beauty Hunt
進擊之娘娘
早前高登仔舉辦第二屆「高登女神」選舉，謝安琪高票勝出冇驚喜！
23歲的 UTuber杜小喬只是素人一個，卻揮低劉心悠、魯芬 BB甚至周秀娜等強敵，奪得第 9名。
正式來講，杜小喬不算是藝人，但她拍住熊仔頭在 YouTube的短片條條幾十萬點擊率， BB式樣貌同嬌嗲聲線俘虜高登仔，如今位已上，嚟緊杜小喬會簽經理人正式入行，高登女神？網名嚟啫！
杜小喬同熊仔頭最近連拍三集《男人有話兒》，小喬演港女七情上面，套套超過 70萬網上點擊率，其中第三集自插「女人有兩個胃！」更加係港女發爛渣經典。
Profile 杜小喬
身高： 163cm
年齡： 23
fb專頁：杜小喬（粉絲人數 68,687）
熊仔頭好文靜
杜小喬說在片中扮了幾次港女，初時擔心被網友鬧，但後來覺得劇本幾好笑：「演戲啫！託賴佢哋幾接受我。高登女神入咗十大，受寵若驚囉，初時聽到都唔信㗎！」
片中熊仔頭講嘢寸寸貢，真人好斯文，但杜娘娘話佢：「佢唔算靚仔，又唔係醜樣嘅，總之平時好斯文好文靜，但係笠個熊仔頭就好多嘢講，好以鬼上身咁！」
「杜小喬揚言已愛上拍片，更想加入娛樂圈，早前找了做製作公司的朋友幫忙接洽模特兒工作，但對方始終不是經理人又欠缺經驗，杜小喬說工作不多：「最近做咗財務公司代言人、又去關島拍咗另一個廣告，但未講得住；其實之前有啲廣告搵我但唔知點解後來冇得做，其實我都好想入娛樂圈嘅，又唔算捨棄高登仔嘅！」借兵仔做踏腳石是常識吧！
小喬受歡迎，令她有機會接拍廣告，處女作是財務公司廣告中蠟靚個頭扮財務專員，佢話：「呢個廣告令我見識多咗，覺得入到娛樂圈都幾好！」
採訪、撰文：何志衡
攝影：范仲良
化妝、髮型： MT Makeup
形象： Bryan@the Flaming
服裝： Lily Brown
Ads by Google
全站熱搜
留言列表
{{ article.title }}
