插圖: Wendy
揞名爆
「人山」開工好巴閉
2012年12月14日 ~~ 第907期 忽然1周
近排又見到「人山」為大婆台做八卦資訊節目,媽咪姐都有捧場呀!學嘢吖嘛。不過,聽啲幕後人員講,「人山」接 job原來有規條㗎,就係「兩點先露」嘞!
事關「人山」一向鍾意蒲,要佢早起梗係 no way。所以就同大婆台講明,所有開工通告都要係下晝兩點後開始,搞到啲幕後人員好鬼頭痕。你知啦!出外景要追住啲陽光㗎嘛,依家冬天太陽又早落山,即係每日得番嗰幾個鐘可以拍,所以一集節目要拍足 3日,趕頭趕命囉!
之但係,依家大婆台朝中無人用,今鋪係臨急臨忙搵一向有 market又交足貨嘅「人山」嚟幫手,咁局住乜都要應承啦。所以話,做人最緊要有料,咁就幾時都有 say!
留言列表