健全的「城大關社」成員卓秋燕（ Joyce）就親自帶 Spy去到 AC2四樓嘅殘廁視察，點知輪椅入到去身都轉唔到，校方要正視吓啦！

U Spy

城大殘廁玩謝殘障生

2012年12月12日 ~~ 第290期 Face

為咗應付三三四學制，各大院校都要擴充校舍，城大都唔例外，落成兩年嘅教學大樓二（ AC2）雖然新起，但殘障設施問題多多，位於四樓嘅「殘廁」坐住輪椅根本轉唔到身，另外影印機又 set得高，殘障嘅同學仔要叫其他人幫手拍咭先影印到，另外喺教學大樓一（ AC1）嘅 lecture hall設有好多道門，有推又有拉，其實對殘疾同學嚟講係一大障礙，冇人幫手其實入唔到去上堂！就城大設施咁唔方便殘障同學， Spy問過校方究竟有幾多城大殘障同學，惟截稿前仍未有回覆。

有見及此，一班來自政政系、社工系嘅「城大關社」學生就發起「城大無𥕞礙展覽及體驗日 2012」，等班學生可以體驗吓殘障同學嘅苦況，活動負責人、現讀社工副學士 Yr.2嘅楊映雪（阿雪）就話：「展覽完咗我哋會寫一份詳細嘅報告畀校方，並要求約見，希望問題可以及早改善啦！」

窄路掉頭

除咗用盲人白杖（盲人輔助器），參加者仲可以坐上輪椅，走過又窄又多彎嘅路，一嘗殘障人士平日的不便。肥 Lu玩完都話：「嘩，轉彎要好用力先轉到，坐一坐都出晒汗！學校有啲走廊位都好窄，希望學校可以改善吓，幫吓佢哋啦！」

盲人撞柱

體驗日畀城大同學試用白杖、戴上眼罩，親身體驗吓失明人士平日嘅苦況，參加者肥 Lu試完之後同記者講：「如果唔係有工作人員在旁稍作提點，我行到聽朝都未到終點！」

城大社工副學士 Yr.2
楊映雪（阿雪）

展覽之前我哋特登搵咗兩個殘障人士嚟學校周圍行，視察吓校園內仲有咩地方可以改進，希望可以喚醒校方及同學嘅關注。

U Spy：校園至爆猛料， U Spy一定睇實。