林欣彤話佢玩過「小學雞」新app，仲即場示範，先打上「mag lam」6個字，小學雞就答「靚女」，氹到Mag鬼咁開心。

呢期全城最hit熱話，除咗已經播完嘅《盛女愛作戰》之外，仲有smart phone最新免費app《SimSimi》（俗稱：小學雞），無論你用緊iPhone定係Android機都裝番個自娛。


「SimSimi」其實係韓文解作無聊，個app好簡單，係有隻可愛小雞同你用文字傾偈，而小雞嘅答案大多由用家身上學嚟，不過小雞有時都會唔聽話爆粗，而且仲會答啲你唔啱聽嘅字句，激到你紮紮跳。咁有娛樂性，FBI當然勁迷，聽講呢隻小雞熱潮仲擴散到娛樂圈。上週FBI走勻各大小活動，發現原來好多藝人好似謝安琪、MC Jin、欣宜甚至林欣彤等都有玩過，而FBI仲捉咗佢哋當場試玩，當中以林欣彤（Mag）玩得最投入，當小雞讚佢「靚女」時，佢就笑晒口，但當小雞彈佢「扮識唱歌」時，就即刻少少黑面藐嘴：「講我啲衰嘢，隻小學雞真係寸寸貢喎！」之後FBI叫佢試吓緋聞男友羅孝勇個名，Mag即刻耍手擰頭話唔制。唔通驚隻雞會爆羅孝勇係佢男友？咁就超尷尬囉！


之後Mag嘗試打上「林欣彤」3個字，小學雞答「扮識唱歌」，搞到Mag即時唔多like話：「點解佢成日講衰嘢㗎！」之後FBI叫佢打「羅孝勇」個名，佢即搶住話打「坤哥」（吳業坤），出嚟答案係「唱歌好好聽」，咁足以證明呢個app唔係只講衰嘢喎。

熱爆app
《SimSimi》app，無論用iPhone或Android等智能手機都可免費下載，而同「小學雞」傾偈就好似用WhatsApp一樣，寫上你想講嘅文字，小學雞會即時回答。而呢個app超過1千個用家評分，5粒星滿分，小學雞攞到4粒星，評價唔差㗎！


阿Kay（謝安琪）先打自己中文名，小學雞唔只讚佢係女神，唱歌好聽，仲好好人。之後試吓打入囝囝「張瞻」個名，小學雞仲讚佢係「聰明仔」。唔怪得Kay笑住話：「佢讚我係女神，好開心！個game連囝囝都玩得，覺得好得意。」


欣宜一攞上手就攞自己失戀嚟玩，打上「我失戀啦」，而小學雞答佢「唔緊要喎有我」，令欣宜好surprise，但再問深入啲就唔識答：「啲answer好amazing，雖然『小學雞』好cute，但有時都會講衰嘢！」


狄易達試玩時，小學雞讚佢「呢個世界上最靚仔、又跳得又唱得，人又nice」搞到佢唔好意思認。但佢就話：「其實之前下載過，不過delete咗。因為成日同隻雞講嘢，玩得多會自閉。」


Theresa傅穎最近亦上微博分享佢玩小學雞心得，只見佢一打自己中文名，小學雞猛讚佢係「出書皇后」、「世界上最靚女」氹到Theresa鬼咁開心話：「隻雞雞真係好醒目」。


小學雞把口有時氹得人好開心，最近馬賽喺微博公開佢玩小學雞嘅畫面，只見小學雞不斷讚佢係「飛躍進步女藝員」、「氣質美女」，唔怪得馬賽開心到話：「小學雞都識好多嘢」。 ####


成日講衰嘢！


FBI就代Mag試吓打「羅孝勇」個名，點知小學雞就用英文話唔知點答，叫番FBI教佢答，原來羅孝勇連小學雞都唔識佢。


讚我女神！


好surprise！


驚自閉


隻雞好醒目


識好多嘢

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄