最近有朋友同東姑講，佢上YouTube睇咗無綫套新劇《女警愛作戰》，仲話呢套劇諷刺時弊好過癮！咁神奇？依東姑記憶所得，呢套由謝天華同周麗淇孭飛嘅新劇係未推出街嘅噃，冇理由有得睇喎，難怪連TVB高層知道後都話要追查內鬼。
喺劇中飾演女警嘅周麗淇，同飾演傳媒狗仔隊嘅謝天華，鬥到你死我活，不過到最尾呢對鬥氣冤家，當然又係無綫嘅例牌劇情做咗情侶，悶局收場嘞。幸好劇中有好多情節都令人會心微笑，例如由黃子雄飾演嘅無良奸商，竟然學倪震當年搵隻貓影裸照。唔單止男藝人有意想不到嘅演出，就連年過半百嘅甘草演員程可為，都有事業線騷畀你睇；而上緊位嘅黃智雯亦有貢獻，就係冇啦啦上演一幕換制服，勁騷身材囉。
以往嘅周麗淇，大多數喺劇中都係飾演溫婉柔弱嘅角色，但喺《女警》擔正做主角嘅佢，就嚟個大轉變，飾演性格硬朗嘅差婆。
估唔到年過半百嘅甘草演員程可為，化身瑪麗蓮夢露可以係咁風騷入骨。
平時密密實實嘅黃智雯，喺劇中都有養眼嘅演出，飾演女警嘅佢，喺更衣室換制服勁騷身材。
喺劇中飾演雜誌狗仔隊嘅謝天華，同女警周麗淇初時係死對頭，呢一幕周麗淇為咗幫同袍攞番個清白，不惜畀謝天華淋水。
喺戲中有感情缺失嘅富商黃子雄，犧牲最大，佢要學倪震用隻貓遮下體，影裸照。
全站熱搜
留言列表
{{ article.title }}
