諸葛紫岐“男友安排條路俾我”
由諸葛「梓」岐變成諸葛「紫」岐，名改了，運氣更好，跟Neway細少薛嘉麟拍拖多年，終有收成。
多年來，公主論、男友出軌、隔空罵戰、不明身份等……
身經百戰，無礙大小姐拖住honey耀武揚威的心情。
條命又真係幾好。
婚禮迫在眉睫，500萬開支、誰坐主家席、安置「大嫂」等，也成為她錦上添花的話題。
命中注定嫁個有錢人，先修一課學做依人的小鳥，「男朋友安排呢條路俾我，我咪跟住佢行囉！」好不認命。
走出小產陰霾，愈來愈靚又一身名牌，睇得出新任薛太早已ready！
Profile
Marie Zhuge
出生日期：1983年 8月 20日（獅子座）
出生地：北京（父為中日混血兒，母為中國人。）
身高：5呎7吋
體重：103磅
語言：廣東話、普通話及英語。
學歷：加拿大英屬哥倫比亞大學室內設計系2年級
簡歷：89年，移民加拿大，曾於加拿大新時代電視台任節目主持。07年，回港度假，經朋友介紹做模特兒。
主要作品：台劇《幸福三顆星》（11）；電影《每當變幻時》（07）、《保持愛你》（09）。
微博：http://weibo.com/u/1732032912
Marie Zhuge 藍白橫間珠片圖案上衣 $1,380 淡粉紅色tweed jacket $3,880 灰色tweed料短褲 $2,180 all MAX&Co. 彩珠頸鏈 stylist's own 金色頸鏈 Marie's own
“我最靚”
很多女仔為當一天的公主，婚禮籌備閒閒哋一年半載。去年，Marie宣佈嫁得出，大日子定於今個月20日，半個月前，她也大嘆唔夠時間準備，死人喇！「我剛剛搞好禮餅，仲未有時間去派！」一對新人原意會展筵開100席，雙方家長人面廣，現加至150席，媲美高官名人大明星。「最費神係派帖、安排座位，好彩有專業婚禮統籌去搞；「交俾我，一定好亂，唔知邊個打邊個坐邊度至最妥當？」那麼，陳法拉坐主家席嗎？這骨節眼，賣口乖留待男家安排，順勢轉移視線，「男朋友安排呢條路（結婚）俾我，我咪跟住佢行囉！」跟住他，潛台詞豈非話事權小咗？「唔……我又有，佢又有啦！」講到底，婚禮女主角只得一個，睇得透，倒不如將精力放在扮靚上。「我係主角，梗要最靚。「我喺意大利訂婚紗，自己偏愛傳統款式，又準備咗三套晚裝，換四次衫。「伴娘、姊妹禮服揀我最鍾意粉紅色紗裙，婚禮以粉紅、粉紫為主，仲有我至愛麵包超人陪大家影相，成件事好童話。」
Marie Zhuge 啡色綴藍色布帶草帽 $2,280 黑併杏色圓點上衣 $1,380 黑併杏色半截裙 $2,180 杏色搭帶高踭鞋 $2,680 all MAX&Co. 黑色喱士併皮手套 stylist's own
“好想有代表作”
拍拖三年說長不長，今年結婚，讓人忍唔住聯想到他們想追龍B，早日生個慈姑椗，好為卡拉OK王國開枝散葉。「畢竟大家已到適婚年齡，又有緣份，咪答應佢。」由當日，「男朋友可以冇，但傭人一定要有」的偉論，到現在，萬事先徵詢主席（對未來老公暱稱）意見，薛細少花了一番心血。「男朋友錫我，乜都問『覺得好唔好啊？』、『邊隻色好呢？』「佢令我好開心，知我鍾意麵包超人，特登留意我冇邊一款至買俾我，細眉細眼小地方，令我好感動……影結婚相，一樣有驚喜，安排麵包超人陪我一齊影呀！「一個男仔做咁多事，證明佢心裡面有我囉！」我雙臂毛孔全面擴張，打埋冷震㖭呀！最近，Marie因一套台劇，被內地封為「最耀眼新星」，婚前贈興。「我冇諗過有人讚，婚後若有好劇本，一定拍，好想擁有代表作。」男家低調，歸家娘拋頭露面，唔係幾好啩？「男朋友從來冇限制我；「唔工作會跟社會脫節，但媽咪話，女人要以家庭為重，尤其是生兒育女，冇仔女，唔算一個完整家庭，男友好想今年生，我隨時ready。」奶奶又點睇？經理人即緊張地走近，Marie全日終於開金口講男家，「我諗佢屋企都係咁諗。」初歸新抱，謹慎點好。
Marie Zhuge 黑白波點併黃黑間連身裙 $2,880 MAX&Co. 透明膠飾頸鏈、金色通花鈪、方形閃石戒指 all stylist's own 金色頸鏈 Marie's own
Marie's tips
Q：婚前的美容準備？
A：見到朋友為搞婚禮而令自己好緊張，皮膚仲乾咗，我建議不如做多啲spa，盡量放鬆，皮膚自然靚。
Q：今年必買服飾？
A：今年興深藍色，簡單cutting最sharp。
Marie Zhuge 深藍色背心裙 $2,980 黃併杏色粗腰帶 $680 both MAX&Co. 金色手鈪 both stylist's own
後記
作為《麵包超人》忠實粉絲，有理由相信，Marie聽過《麵》作者柳瀨嵩說：「麵包超人的正義，不是消滅敵人，而是跟細菌求同存異，只要對方真心說聲對不起，超人就應大方原諒。」卡通片都有大道理。所以，容我庸俗地期待，大婚當日，睇睇法拉坐邊圍！
MAX&Co. 中環國際金融中心1053號鋪 2722 9616 ####
Marie Zhuge
橙併杏色橫間背心裙 $2,580 MAX&Co.
金色頸鏈 Marie's own
10年
比Angelababy更早一步在日本出唱片，拍MV也份外風騷。
10年
連續三年為日本大型時裝騷TGC及Girls Award行騷，香港模中只有佢一個。
11年
拍攝台劇《幸福三顆星》，「我預咗觀眾唔睇好」，結果卻在內地爆出。
12年
小產後頂硬上出席活動，幸有未來老公十指緊扣貼身支持。《蘋果日報》圖片
stinglife 發表在 痞客邦 留言(0) 人氣()
留言列表
{{ article.title }}
