阿嬌生日，拍檔阿Sa送禮又送肉麻情信。如斯熱情會唔會令男友William呷醋㗎？阿Sa拍心口表示唔會：愛我就要愛我嘅一切。哎吔，聽到媽咪姐都毛管戙，愛得咁癡纏，好心佢哋快快拉埋天窗。
 


房祖名早前出席活動透露擇偶條件，除咗要識作曲作詞、畫畫，更要一口英式英語；條件同過氣女友薛凱琪（Fiona）脗合，不過祖名竟然回應：佢扮啫，都未出過國讀書。合乎條件咪得囉，理得扮唔扮吖！之不過Fiona依家都有方大同及外籍好朋友，得閒睬你先算啦。



蔡楓華粉絲多年來忠心追隨， 送花之餘，仲會送公仔，令蔡楓華覺得：原來我仲係偶像派。送公仔同偶像派係兩回事噃。如果自認偶像派，咁就即係唔係實力派。佢諗清楚加入邊派未？


吳彥祖每一次跟爾冬陞合作，角色下場唔係死就係重傷，大導解釋：可能我潛意識妒忌吳彥祖。係人都妒忌啦，又靚仔又多女冧。不過媽咪姐都係羨慕瞓佢隔籬嘅老婆Lisa S.多啲。


劉松仁喺新劇《名媛望族》，跟韓馬利、江美儀、楊怡、賈曉晨有感情戲，可謂艷福無邊，但當事人唔係咁認為：咩益我呀？係益佢哋呀。一男對付四女，咩體力都冇晒，唔好講益，你唔筋疲力竭已經要偷笑。

 


李詩韻喺《換樂無窮》飾演「千億新抱」，佢自言寧願做個有老公錫嘅普通師奶，事關「千億新抱」好大壓力，太有錢就冇辦法細味人生。唓，佢做過「千億新抱」喇咩？又知道人哋冇細味人生？我睇徐子淇都好識細味兼享受人生啫。 




 




 




 




 




 



 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄