在市民齊聲喝罵的情況下，財爺曾俊華打倒昨日的我，昨日宣佈向每名合資格的香港永久居民派發 6,000元現金。演藝界中不少人都受益，導演劉偉強對政府知錯能改表示歡迎，款項會作為兒子的教育基金。有部份持外國護照的藝人未能受惠，台灣人金剛就表示自己照交稅不過未能受惠，有點不值。

對於財爺昨日宣佈取消注資強積金，改為一筆過派發 6,000元現金給年滿 18歲本港永久居民，導演劉偉強昨日在尖沙嘴出席頒獎禮時表示贊同，他透露跟太太及兒子應收到 18,000元：「會將啲錢作為個仔嘅教育基金，今次派錢 OK呀，知錯能改係好事，唔好死性不改。」劉偉強更希望向政府反映食物加價問題，他說：「家啲米又貴、麪包又貴，以前我去茶餐廳食碟飯 30幾蚊，一年內加咗 4蚊，咁樣一日三餐就要百幾蚊，如果普通市民一個月搵萬幾蚊，就真係好辛苦。」另一出席頒獎禮的王晶則表示暫時未有聽到有人不滿意這趟派錢。

放大圖片
金剛因為身份證未有三粒星，所以無份收錢，有點不忿。資料圖片

金剛因為身份證未有三粒星，所以無份收錢，有點不忿。資料圖片

放大圖片
周家蔚開心可與母親分享，又可用作資助買車開支。

周家蔚開心可與母親分享，又可用作資助買車開支。

周家蔚睇王菲個唱

不過身為外勞的台灣人金剛雖然在香港要交稅，但就未能獲益，他昨日說：「我本身都要交稅，但係因為身份證冇三粒星，所以冇得派錢，呢啲係政府嘅政策，就算覺得唔公平都冇計，所以希望可以有另一個方案，等我哋呢類人士都有機會攞到。」馬來西亞籍而又合資格收錢的楊秀惠昨日在無綫電視廣播城出席無綫節目記者會時說：「會儲起佢先用嚟投資，用嚟應付政府話嘅通脹，真係唔好亂使咗去。」同場的周家蔚就說：「我可以攞去睇王菲演唱會，剩咗嘅就同媽咪分享，而且我即將買車，可以彌補番車嘅開支。」

詹瑞文：派錢過骨

男子組合農夫昨日和孫耀威出席強積金活動，農夫收錢仍不忘揶揄財爺不知米價，Ｃ君說：「咁可以食到好多盒粟米斑腩飯。」陸永會將 6,000元用來送給即將結婚的拍檔做「人情」。孫耀威表示在台灣工作多年，今年終於變回香港人，這筆錢會送給媽咪。在旺角宣傳電影的詹瑞文就覺得這趟財爺是大輸家，在公關方面做得很差，不過既然派了錢應該可以過骨。採訪：王崇穎、楊潔雯、李珮洳攝影：陳慧安


劉偉強一家三口應可收 18000

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄