上週二余文樂同 Kary在 Central London行街 shopping，因沿途不斷撞見華人，唯有全程前後腳行街拍拖。
探熱針
周栢豪做媒 Kary樂仔 倫敦鬼祟遊
自稱做咗五年寡佬的余文樂，二月十四情人節當日被發現跟 Kary吳雨霏同遊赤柱，才揭發二人原來已暗撻三個月。
上週一（二月十八日）余文樂同邱淑貞一家食完下午 tea，晚上隨即同新歡飛英國過二人世界。以為身在外地無人騷擾，卻難逃網友天眼，歐遊行蹤通晒天，雙方 fans掀起網上罵戰。為保 Kary開始有起色的事業，上週二（十九日）兩人在 Central London行街 shopping，亦變得格外閃縮，行到離行離列。
鬼祟遊倫敦
連續拍完《飛虎精英之套票出征》和《特種救援英雄》兩部電影，余文樂一早已計劃好，要外遊抖抖氣，夾啱時間，吳雨霏忙完演唱會及頒獎禮，造就兩人一同出埠過二人世界大好機會。據了解，二人先在英國逗留數天，再轉到法國滑雪，九天甜蜜之旅最後經倫敦返港。上週一（十八日）下午，余文樂孖住富貴飯腳沈嘉偉、邱淑貞一家到筲箕灣食魚蛋粉，晚上再坐夜機同 Kary出發前往倫敦。
但兩人一抵達倫敦希斯路機場，已被精明網友影低相上載微博。歐遊行蹤通天，無阻蜜運男女心情，睇威靈頓拱門、遊 Soho區；第二日 Kary同樂仔在 Central London、 Piccadilly行街，由於沿路都係華人，唔想再被攝入鏡， Kary同樂仔刻意前後腳行，保持一個身位距離，但戴住黑超的樂仔又被 fans認出，根本避無可避。
原本
請先 登入 以發表留言。