亞熱帶
長澤正美 撈過界
近年鞏俐、章子怡、李冰冰及周迅等內地阿姐都「衝出亞洲」，紛紛殺入荷里活。與此同時，不少韓星紛紛「攻中港台」，在大陸同台灣拍劇搵真銀。近年日本經濟不景，連「國寶」都要外銷，唔止蒼井空，就連主演《 Touch》同《 Rough》兩大日本愛情漫畫電影女主角長澤正美，近日都跑去拍台劇《流氓蛋糕店》，同型男藍正龍搓麵粉談情。
《草食男之桃花期》在日本大收 22億日圓（約港幣 1億 9千萬），帶挈長澤正美勇奪日本奧斯卡影后，而長澤亦食住個勢於去年 9月到台灣，用 4個月時間拍攝《流氓蛋糕店》。長澤為進軍大中華市場，先於去年初學習普通話半年，每日上堂 9粒鐘，絕對唔馬虎。
學「煲冬瓜」係辛苦，不過長澤話都唔夠拍台劇成日要喊同咀辛苦，「台劇好多喊戲同咀戲，有時一日要喊幾次。台灣人感情表達好直接，劇本有好多接吻場面，多過日劇好多。」
在《流氓蛋糕店》中，長澤一人分飾母女兩角，一時要同中坑演員馬如龍扮夫妻，一時要同靚仔藍正龍談情。兩人不約而同大讚長澤，馬如龍話：「她遇到有對白唔識讀，就會搏命背到熟為止，好認真。」藍正龍就話：「佢有武士道精神，對白講錯會好唔開心，好似想切腹謝罪咁內疚。」長澤每集劇酬約 19萬港元，《流氓蛋糕店》有 13集，即是劇酬共 247萬港元，長澤認真，絕對有理由。
冧掂藍正龍
長澤正美在《流氓蛋糕店》飾演過氣黑幫大佬個女，同老竇手下金牌打手藍正龍發生感情。 25歲 嘅長澤賣可愛一樣掂。
情迷老坑
《流》劇中，藍正龍飾演江湖中人，出獄後，投靠拜門大佬馬如龍。馬如龍改行開蛋糕店，藍正龍無奈跟隨。長澤一人分飾母女，同兩男都有感情戲。
㖿！要人哋同阿伯談情！（設計對白）
孖住
文章標籤
全站熱搜
