Lam仔同松岡李那二人因愛夜蒲認識，早前出席首映禮更不避嫌合照，松岡更將二人合照放上 Instagram。
真面目
鬥集郵 王宗堯戴綠帽 風流 Lam仔急食姣松岡
型男索女最易埋牙，阿 Lam大仔林德信 Alex，去年出道憑瀟灑外形、溫柔聲 綫迷死唔少港女。入行冇耐已跟吳雨霏（ Kary）傳緋聞，最近連 33C「蜜桃胸」日籍 model松岡李那（ Linah）亦被佢迷倒，上星期被拍得在男方家過夜。
據知二人已秘密撻着三個月，上週三（ 30日）松岡 27歲連搞 3晚生日派對，林德信亦去足兩晚，更扮兔仔唱歌。不過一直多人追的姣底松岡，卻偷偷腳踏兩船，早跟一齊拍《喜愛夜蒲 2》的王宗堯（ Gregory）撻着，後來遇上 Lam仔，又唔捨得跟王宗堯斬纜， Lam仔傻更更做小三。
今年 27歲的「 Lam仔」林德信（ Alex）入行前於美國做瑜伽教練，兩年前回流即被 Canon睇中邀做相機廣告 model。 Alex外形鬼鬼哋 ，加上識玩音樂，又有個音樂教父老豆林子祥，入行後一直順風順水，今年初更攞走唔少新人獎。
上年 10月松岡仲同王宗堯一齊睇《一路向西》，原來當時松岡已暗撻緊 Lam仔，王宗堯仲以為自己執到寶。
30/1
Lam仔成為松岡新寵，上週二（ 29日）松岡連搞 3晚生日 P， Alex去足兩日，最後一晚仲由秘道入 L.Place同女友慶祝（上圖），非常有心。
28/1
《蘋果日報》圖片
打探 Lam仔人品
Alex唔只發展順利，女性緣亦相當旺，一出道已經吸引到吳雨霏，傳聞二人秘密行埋 3個月極速玩完，但 Alex不愁寂寞，經常被拍得同一眾女性夜蒲。
早前出席 Mr.演唱會，就有人於後台目擊唔少髮型、化妝姐姐圍實 Alex影相。而松岡於上年尾夜蒲認識 Alex後，亦深被 Alex的才華及鬼仔性格吸引，不斷向身邊人打探 Alex人品，「佢好冧 Alex，識咗佢之後不斷問人 Alex人品點，好唔好同佢開始。」二人火速撻着，去年底仲一齊睇 BIGBANG演唱會。上週松岡連搞 3晚生日 P， Alex亦去足兩晚。上週三（ 30日）， Linah正日生日於中環 L.Place開 P， Alex明知正門企滿記者，就靜雞雞由後門入去，氹到松岡鬼咁開心。
上週三（ 30日）松岡正日生日，又係佢 model公司 Jamcast嘅 annual dinner。佢同 Girls Kingdom成員蔡恩真（中）及田代麻衣出席完 Jamcast飯局，就一齊去 L.Place開生日 P。其間松岡表現興奮，原來 Lam仔會現身慶祝。
Lam仔雖然同松岡李那撻着 3個月，但身邊亦不乏靚女，上年聖誕就被拍到同一位靚女買餸玩煮飯仔，事後 Alex否認，話對方只係佢好朋友嘅女友。《蘋果日報》圖片
王宗堯：祝福佢哋
