喺星煥兩周年記招上,欣宜同 FBI傾偈都要好用力先出到聲,不過佢自己都估唔到原來咁大件事。 FBI File 欣宜反光聲帶 2012年07月18日 ~~ 第269期 Face 一向唱得嘅鄭欣宜,早前喺星煥兩周年記招度同 FBI講,話自己失咗聲,最慘又趕住出發去美國登台,要嗱嗱臨喺飛前趕去醫院打開聲針,估唔到事隔幾日,欣宜就喺微博 post咗張聲帶生繭嘅內窺鏡相任人睇,雖然話做歌手聲帶出事好慘,不過連內窺相都俾人睇埋,欣宜怕唔怕嚇人呀?欣宜話白色反晒光嗰條就係聲帶,好在醫生話欣宜只要好好休息就可以康復,情況唔算太壞喎!