唔怕俾人話肥，娥姐露背又露粗小腿，勇氣攞滿分。 上個禮拜六晚（十六日），無綫現場直播《情牽好客自家人》，擺明悶騷，但商天娥隆重其事，揀咗件露背裝見街坊。 一直有傳娥姐難服侍，但佢當晚賣肉賣唱又賣力，尤其係演出搞笑客家話版《雷雨》，原本黐鬚扮男人嘅娥姐，突然扯開件衫露肚兜，點知蝦碌，件衫扯唔開；不過都唔及陳小春，將塊面壓落托假胸扮女人嘅麥長青心口，之後仲唔覺意爆咗句英文粗口，現場直播，想cut都冇得cut。 #### 玩爆衫，點知件衫扯極都唔爛，明明要露肚兜嘅娥姐只能露香肩。 麥長青胸壓小春，合家歡時段玩到過晒火，小春仲講埋粗口，完全失控！
