近排見親「大菜糕」，雖然大住個肚咋，依然好有精神，仲周不時行街睇戲食飯，不知幾開心。梗係啦，一來做阿媽嘅日子近在眉睫、二來新居又就快入得伙，三來老公錫到燶，咁你話做女人仲有咩開心得過呢啲呢？ 不過，唔講唔知，原來「大菜糕」呢胎正確嚟講，應該係第二胎嚟。點解咁講？有個喺明星生仔竇做護士嘅朋友同媽咪姐講，話「大菜糕」其實喺去年年頭已經有過一次 o架，「嗰時佢啱啱有咗咋，除咗定時上去做檢查，仲緊張到連產房都一早 book定。點知大約兩、三個月左右，佢忽然小產，逼住又將之前 book咗嘅嘢全部 cancel晒。」嘩，小產過一次，佢一啲陰影都冇，今次佗住個胎依然百無禁忌，佢真係相信一切有主照住喎！
