送餃後風騷
曾表示為找真愛唔怕等嘅阿佘，本刊獲知佢上月主動上橫店探鄭嘉穎班，與一眾後生內地女爭嘉穎， 1月初抽空回港搵真銀時，見佢全程容光煥發，一啲都唔 dry，應該啅掂咗啦！
以殼王陳國強為首的資金財團鯨吞無綫，曾與殼王傳過緋聞的佘詩曼急急落閘：「做好本分，拍好啲戲！」明顯唔...
35歲佘詩曼早前喺杭州拍完古裝劇《帶刀女捕快》後，準備回港時自稱唔小心跌甩手骱要打石膏，年尾流流跌傷手仲話要休養六星期，大條道理辭演梅小青監製的新劇《法證先鋒 III》。
愛心餃子餵飽
29/1橫店直擊
鄭嘉穎正於橫店拍攝古裝《步步驚心》，連日記者發現佢日夜趕戲，有空檔嘉穎就煲煙提神，見佢眼望遠方，唔通掛住甩骹阿佘？
唔敢講
於《步》劇中飾演鄭嘉穎情人的內地演員劉詩詩，據知她亦目擊姣佘送水餃經過，但週日（ 30日）跟鄭嘉穎拍完外景後回應本刊時，則表現驚青說：「對不起，我趕時間！」而鄭視帝則一直匿埋於片場開工似迴避記者。
'07初嗒穎
07年阿佘與嘉穎因拍《法證先鋒》傳出緋聞，其間被踢爆阿佘撲上嘉穎西貢村屋竇，直到 09年有傳阿佘因不滿鄭嘉穎敢拖唔敢認，當時被傳媒影到二人同車時，鄭視帝竟然叫阿佘落車，令阿佘大感冇面而導致二人分手。
冧穎兩招
為咗要拗贏鄭嘉穎同劇後生女演員，阿佘主動冧嘉穎，港女做到咁，嘉穎實收貨！
探班送餃子
為賺人仔，嘉穎去到橫店拍劇，搞到冇啖好食，細心阿佘就買定熱辣辣餃子送到片場，同對方一齊食，係男人都冧啦！
上房小可憐
除咗買餃子餵飽嘉穎，阿佘仲上埋劇組演員下榻嘅影視基地宿舍（小圖）屈「佘」，其間房內傳出陣陣女人喊聲，阿佘唔怕屈質，又出動埋眼淚攻勢，嘉穎好難唔心軟。
失視后扭計
去年 12月阿佘於無綫《萬千星輝頒獎禮》中視后大獎輸畀死敵鄧萃雯，有指佢因此不滿而唔同無綫續約，月頭佢自爆內地劇人工高啲，有考慮出去闖吓，而咁啱拍完內地劇即刻話跣甩骱要休養 6星期，仲辭演埋《法政 III》，搞到監製梅小青要臨急搵張可頤頂上，扭幾吓計鋪定下屆視后路，又可以扭埋加人工，阿佘一石二鳥高手呀！
內地女爭食
雖然阿佘曾激讚嘉穎：「佢好踏實，唔係嘻嘻哈哈嗰類型，比較穩重同老實，係可以考慮結婚嘅對象。」就算想翻叮嘉穎，但阿佘貴為當家一姐，如今要人肉速遞又上房偷會，原來嘉穎確係搶手貨，劇組人員續說：「嘉穎今次拍劇心情特別好，好玩得，又成日同人講笑，好受劇中女演員歡迎，同劇有個大陸女演員劉詩詩，收工成日約嘉穎食飯打邊爐，連電影公司高層蔡藝儂都特別照顧佢，成日嚟探嘉穎班 o架！」
本刊週日在橫店拍攝現場，記者跟劉詩詩閒聊拍劇事，原先滔滔不絕的她被問及有否親見阿佘送餃及與嘉穎翻撻一事，她即驚青話：「對不起，我趕時間，不做訪問啦！」明顯唔想「爆響口」，無謂捲入三角關係。到週日截稿前記者於阿佘北角屋企仍未見佢蹤影，佢早前講明夏天放假要搵人陪佢去希臘旅行，嘉穎都係嗱嗱聲請定假啦！
怒撇國產模
去年 8月有傳媒影到 21歲國產奀模徐靖雯（ Jenny）喺鄭嘉穎西貢南圍家逗留 72小時，但唔夠 3個月有指男方嬲佢喺窗邊眼裝裝故意曝光，不甘被利用上位怒撇對方，嘉穎轉嗒北妹有前科，難怪姣佘玩人釘人。
片場萬人迷
唔好睇鄭嘉穎平時咁 cool，其實佢好吹得水，成日喺片場講笑，男當佢偶像、女就當佢絕種好男人嗒晒糖，萬人迷碧咸落到片廠都同佢有得鍊呀！
女角黐實
阿佘高調去片場探鄭嘉穎班，於《步》劇內演鄭嘉穎情人的劉詩詩亦在場，據知劉詩詩亦經常黐實鄭視帝，又約佢打邊爐，但如今阿佘人肉睇實，視帝好難亂嚟！
總裁殷勤
投資《步》劇的唐人電影公司總裁蔡藝儂亦對鄭嘉穎超殷勤，早前佢去香港見到嘉穎海報就拍下放上微博，雖然 39歲成熟咗啲，但勝在可以幫嘉穎開大陸市場，有得諗喎！
溝仔天后
曾自稱入行前啲仔多到「任我揀」嘅佘詩曼，選完港姐做咗花旦後， 08年同鄭嘉穎拍拖前，男伴一樣未斷過，難得個個都係靚仔小生認真識食，溝仔天后當之無愧 o架！
請先 登入 以發表留言。