等咗幾分鐘都未行得，婷婷惟有捐過阿徐裙底。咁都肯因為唔敢得罪阿徐。 有個影帝謝霆鋒阿哥嘅謝婷婷，早排被指嫌棄周秀娜，唔肯同佢用同一個攝影師，有幾「矜貴」真係大家有眼睇。不過辣火頭都要睇人嚟辣，上星期三（ 12日）婷婷出席 Fendi活動，本來佢要行去會場入面，但咁啱徐濠縈企正布景板中間做緊訪問，不嬲大支嘢嘅婷婷竟然笑住企埋一邊等，後尾發覺唔對路，仲當眾低身由阿徐 pat pat位捐過另一邊！唔敢得罪阿徐，算佢醒啦！ 放大圖片 對住阿哥個老友 Eason嫂，婷婷唔敢出聲叫阿徐借過，惟有乖乖企埋一邊等。
