藍潔瑛卒之俾晒錢，心安理得攞住兩罐啤酒走人。見佢額前一綹白髮，非常憔悴。

上周三（ 12日）清晨 7點鐘，媽咪姐路經筲箕灣，竟然撞到藍潔瑛！晨咁早佢去邊呢？買早餐？只見佢入咗間 K仔，攞咗兩罐啤酒就走，出咗門口兩步，佢至醒起未俾錢，又返轉頭俾錢。
之後媽咪姐同啲店員傾偈，佢哋話住喺附近嘅藍潔瑛經常幫襯，多數係買啤酒、煙仔同即食麵。「佢有試過唔記得俾錢，我哋追出去叫佢，佢就好惘然咁答『係咩，未俾錢咩？對唔住呀！』總之一定會俾番錢！」一時大意人人都會，不過媽咪姐都勸佢一句：飲少啲酒啦！

好似未瞓醒嘅藍潔瑛，攞住兩罐啤酒未俾錢就走。

好在好快醒起，立即返轉頭俾錢。

舊年 11月，媽咪姐撞到藍潔瑛晨咁早坐喺同一間 K仔門口扯煙。扯完仲好有公德心將煙頭揼入垃圾箱。

藍潔瑛同鄭少秋 92年合作演出《大時代》，當時一個英氣煥發，一個則靚絕五台山。可惜時不我予。如今一個踏入垂暮之年，另一個則胡混過日子。唔欷歔就假咯。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄