14/9一連三日，超盈都係著住同一款牛仔短褲，拎同一個手袋，反而戴住嗰副超，就同之前一日（十三日）喺中環嘅唔同款。 

同你吟一吟

何超盈一條褲著三日

澳門第五屆立法會選舉，何鴻燊四太梁安琪成功連任！打仗前嘅一個週末（九月十四日），四太約咗兩個女性朋友，再叫埋大女超盈，一齊陪老公去中環太子大廈飲 tea，鬆一鬆！

飲到近六點，何鴻燊返屋企休息，四太兩母女就同朋友經太子大廈穿架空橋行去 Landmark，繼續下場。
真係咁啱！上星期四、五，《壹》仔亦先後喺澳門（十二日）同中環（十三日）撞見超盈，連埋星期六，一連三日，四房大小姐都喺著住同一款牛仔短褲。八珍仲留意到，佢無論喺澳門碼頭送朋友走，到第二日喺中環文華酒店外面等司機接，兩日除咗條褲一樣，上身件紅色背心 tee亦無換過，只係打底嗰件唔同，再加多咗條頸巾。
究竟係超盈個衣櫃有無數同款衫褲，抑或根本係同一件，咁八珍就唔知嘞！

選舉前鬆一鬆！陪完老公飲茶，再同朋友行 Landmark嘅梁安琪，見到鏡頭，揮手打招呼。 

行過珠寶店，四太、超盈入去𥄫咗陣，但冇嘢啱！ 

約咗四太飲下午茶，何鴻燊架車直接駛入太子大廈上落貨區，方便坐住輪椅嘅佢搭𨋢上樓。 

13/9中環

選舉前鬆一鬆！陪完老公飲茶，再同朋友行 Landmark嘅梁安琪，見到鏡頭，揮手打招呼。 

喺中環文華酒店外等司機，其間撞到朋友傾咗陣嘅超盈，身上嘅紅 tee短牛仔褲同前一日喺澳門著嘅一模一樣，只係件打底由黑變咗白（箭嘴），仲多咗條頸巾。 

12/9澳門　換底唔換面

送完幾個朋友去澳門碼頭搭船返香港後，超盈由大隻保鏢陪住走。

撰文：八珍