娛樂八掛大放送★

48歲 羅霖 床戰 80後 關楚耀 陶傑 陪買 喱士 bra 3周刊 721期

最近48歲前亞姐羅霖，終於行出失婚後的新一步，由少奶奶搖身變影壇新人，處女下海接拍才子陶傑首部執導的電影，而且同80後的關楚耀上演激欲床戲，可謂非常重口味！

去年羅霖與富商劉坤銘宣布分居，令羅霖獨力照顧三個小朋友，為揾食她決定首次處女拍電影。上星期本刊記者拍到羅霖與陶傑齊齊現身內衣店，為床戲挑選“戰衣”，期間導演陶傑不時給羅霖揀bra意見，當他們悉知有記者拍攝時，亦大方接受訪問，首次拍床戲的羅霖坦言拍床戲感到尷尬，要自備紅酒壯膽，直指關楚耀：“佢成日拮親我！”

由傳媒工作者到電台開咪，被稱才子的陶傑再撈埋做導演，開拍情慾電影《愛​​‧尋‧迷》。電影故事意識很大膽，其處男作更打人情牌，成功誘失婚羅霖拍床戲，肉搏細她18年的關楚耀。為表誠意力邀羅霖處女下海，身為導演的陶傑就與羅霖齊齊為電影揀內衣，可算又貼身又貼心。

著3條底褲飲酒床戰

上週二（7月23日），本刊記者發現陶傑同羅霖齊齊走入銅鑼灣一間內衣專門店，期間兩人不時有商有量地揀“爸爸”，而羅霖似乎對貼身衣物亦非常講究，又要摸質地又要有承托力，細心到好似揀老公一樣。之後羅霖就挑選有性感喱士花邊的“爸爸”步入更衣室親身感受是否稱身，而同行的陶傑亦在店內耐心等候。未幾，當羅霖試完身之後，兩人便發現本刊記者在拍攝，雖然他們大感愕然，但也大方表示同行只為電影揀“戰衣”。

剛試完“爸爸”的羅霖就笑笑口說：“我入行廿年從未拍過電影，初次為陶傑獻出第一次，就要拍床戲同出浴，都有少少尷尬，之前晚重失眠唔到，去到片場就自備紅酒壯膽。因角色寫實，講離婚女人，拍激情戲時，我要清場同著3條底褲，而且我未俾過有須男人錫過，關楚耀重成日拮親我！”雖然羅霖表示拍此場戲沒有NG，但就要拍4個鏡頭，又有大特寫，所以拍拍已經豁了出去。

“佢經歷令佢更入戲！”

身旁的陶傑就大贊羅霖是他心目中的合適人選，他直說：“我呢部戲系講一個上市女主席芳心寂寞，有個髮型師幫佢扮靚就容易取得佢信任，我覺得羅霖佢有份高貴氣質，笑得甜但亦有份憂傷，而佢婚姻經歷都可以令佢更入戲。”陶傑又笑言行內有“三師”可容易取得女人信任，一系風水師、二系攝影師、三係發型師，又謂希望拍三步曲，有機會拍埋另外兩部。羅霖聽完之後，笑說：“陶傑好識講，咁就俾佢我拍呢部戲，應承先知玩到咁激！其實我冇所謂，最擔心系3個仔接受唔到，我個細仔都話唔想我拍戲，但佢問我有冇錢收，我話有少少，佢就話有錢就go ahead啦！”

關楚耀笑言受胸襲

早前關楚耀出席品牌活動，透露與羅霖上演激情戲，笑言常受胸襲，因此要積極操胸肌，他說：“之前有拍過床戲，不過今次還要我互相挑逗。”他指首次與熟女一點的媽咪級演員合作，難免有點緊張。而羅霖要同細自己十八年的關楚耀床戰，她直言不抗拒：“年紀相差幾多真係冇所謂，我完全接受得到姊弟戀。”

於1991年參選亞洲小姐獲得冠軍的羅霖，於加入娛樂圈前為空中服務員。當選後她即在亞洲電視參與演出多出電視連續劇集，後來轉投無電視，在《真情》一劇演出“雙雙”使她紅極一時。後來嫁予香港富商劉坤銘，然後淡出娛樂圈，育有3名兒子。

在圈中，她與劉坤銘人前人後恩愛至極，兩人還共同度過不少患難，可惜這對模範夫妻最終仍敵不過性格不合的致命傷，早於去年3月已祕密分居，將近十七年的婚姻名存實亡。