陳豪近年成為廣告天王，繼去年勁賺千五萬成為廣告吸金王，今年再下一城，未到年尾又再穩袋近千萬廣告酬勞，吸金能力可謂無遠弗屆，成為TVB最賺錢藝人，難怪被稱為「筍盤」。

上周陳豪到順德拍樓盤廣告，是次除獲七位數人民幣酬勞，本刊更直擊陳豪一大清早趁未開工前秘密睇樓，私下掃貨買千萬人仔雙連單位。據知一向孝順的陳豪計劃將單位送給媽咪及女友陳茵媺作度假之愛巢。

陳豪到內地拍攝樓盤廣告，穩袋千萬酬勞，拍完廣告即睇值逾千萬的相連豪宅大單位。

陳豪由兩名樓盤職員貼身招呼，上賓級對待。

買樓度假

剛在橫店完成《金枝玉孽貳》的陳豪，要到年尾十一月才再拍新劇，這段期間正好是他的吸金期，據知他將於未來兩個月接拍不同廣告，除月餅廣告外，近日更成為順德「嘉信帝園」樓盤代言人，簽約兩年穩袋近千萬人民幣酬勞。

上周陳豪便到順德開工拍廣告，由早上八點拍到晚上七點，連踩十一小時，不過拍攝過程尚算輕鬆，只是踩踩單車、瞓瞓草地扮優游自在便可，惟拍攝期間慘遭毒蚊圍攻。

翌日早上，陳豪比原定的開工時間早兩小時離開酒店，更不吃早餐撇低助手到樓盤秘密睇樓。本刊發現陳豪睇中一個相連單位，每平方米約賣一萬人民幣，售樓書更寫明單位可一分為二，該相連過千呎市值千萬人仔。一名樓盤職員爆料說：「佢打算將相連單位一邊做投資賺錢，你哋都知佢好想喺香港開咖啡店，都要搵多啲資金嘛！而另一邊單位聽講話送畀佢媽咪同女友度假用。」

陳豪睇中的順德樓盤，呎價逾萬元人民幣。