2/9
剛接受人工受孕的 Kelly，由於暫時唔抱得蝦餃仔，湊仔返學重任，只能假手傭人及經理人鍾珍。

娛頭

最後衝刺　八月殖入胚胎　陳慧琳力求龍種

今年三月，陳慧琳腹中一對孖女不幸小產，大受打擊的她，在家人及好友支持及中西醫合璧調理身體，迅速復元。
一直心急在四十歲前，為蝦餃仔添多個細佬妹的 Kelly，月前再次進行人工受孕，為求一擊即中，工作可免則免，內地幾首歌袋幾十萬的快錢騷，亦即時叫停，甚至連抱蝦餃仔的親子功夫，亦交由老公及傭人代勞，以策萬全。

有錢都唔賺

原本今年五月會再添一對孖女的 Kelly，懷胎五個月，孖胎不幸小產，令性格樂觀的 Kelly，經歷人生最痛，情緒大受打擊。
「最初係好難接受呢個事實，好彩喺醫院嗰個禮拜，得班醫護人員貼身照顧同鼓勵，陪 Kelly度過最難捱嘅一段時間，仲有身邊一班好友同 fans，亦不停俾支持佢，有幾個 fans甚至同佢講，話自己都試過同樣經歷，之後都好快可以再有 BB，安慰佢唔使擔心！」 Kelly身邊人說。
Kelly全面復工後，亦僅以拍廣告及出席活動為主，電影、演唱會通通免問，近日更加連內地的快錢騷亦嗌停。
「有搞手打 Kelly主意，因為佢三年幾無做過 concert，所以好渴市，但 Kelly根本唔打算喺呢段時間再開演唱會，佢希望養好身體，盡快生第二個！太大壓力嘅 job， Kelly唔會考慮。」

經理人鍾珍一馬當先落車，睇實蝦餃仔，緊隨其後的 Kelly，發現跌咗頂帽，即刻返轉頭執番。

由於發現記者，到十一點接放學，學校安排保安及秘密通道讓 Kelly離開。

小產後， Kelly停工近兩個月養好身體，四月才復工出席金至尊活動。

Kelly一直希望四十歲前生夠收工，婚後一年，便火速生咗蝦餃仔劉昇。

不育救星

生殖聖手何永超，手上有唔少明星名人客，早前接受訪問時，他更對生活健康的 Kelly讚不絕口。

根據研究顯示，本港六對夫婦，便有一對遇到「不育」問題。近年，「人工受孕」漸趨普及，成為「不育救星」。
女性年紀愈大，卵子的數量會減少，而且會老化，受孕成功率大大降低，所以不少年過 35歲又心急懷孕的女性，都會選擇接受「人工受孕」。在過程中，不少夫婦為了提高命中率，醫生多數都會為母體植入兩至三個胚胎，若成功懷孕，就會有機會懷多胞胎，但植入多個胚胎，相對亦會提高小產、早產或胎兒不正常的風險。
根據婦產科醫生表示，曾意外小產的女士，最好休養三個月至半年才再接受「人工受孕」，如果有適當的飲食、休息，基本上下次來經便可再受孕，此外，亦要視乎女士本身的年齡，如果年紀愈大，休養的時間愈長。

仔女冇所謂

經過半年時間休養，身體已經回復狀態，月前， Kelly已再次接受人工受孕，由婦產科兼生殖科醫生何永超進行。
「 Kelly嗰邊啲親戚最近好開心同朋友講，話 Kelly身體好番晒，已經可以再佗 BB，仲啱啱做咗人工受孕，不過，都要多兩個月先知結果！佢哋話，生仔生女 Kelly都無所謂，佢只係想多個細佬妹陪蝦餃仔玩啫！」知情者說。
Kelly一直心急為蝦餃仔添細佬妹，上次進行人工受孕懷孖胎， Kelly亦公開表態，因為自己想快啲再有 BB，但試咗成年都無聲氣，所以接納何永超醫生意見，嘗試人工受孕，今次求屬龍 BB亦不例外。
「 Kelly唔想蝦餃仔同細佬妹年齡距離咁遠，所以好心急，好多女人拖到四十幾歲先話生，但 Kelly就想喺四十歲前搞掂，一來 BB會壯啲，二來同仔女無咁大距離！」

雖然去到香港仔工作，但 Kelly離去時仍有大班 fans在門外守候，更有 fans買來小禮物給她。

Kelly帶蝦餃仔返學，每天均由鍾珍安排的寶馬接載。

為避記者， Kelly得學校通融，將車直接駛入停車場進出，週一下午因為要工作， Kelly改用紅色七人車湊仔仔放學。

戴黑超的 Kelly，一馬當先離開學校，由於蝦餃仔返學喊個不停，令 Kelly相當緊張。

5/9
Kelly唔想蝦餃仔曝光，手持書包遮擋，蝦餃仔則由傭人抱住走。

唔敢抱仔

小產後 Kelly停工兩個月外，亦開行 turbo，中西醫合璧調理身體。
「幫 Kelly做人工受孕嘅何永超醫生，一路有跟進住佢嘅情況， Kelly爹哋亦有搵咗個有名中醫師俾佢，幫佢調理身體，過去半年， Kelly無停過中西醫都有睇，依家連何永超都話佢身體狀態好好，佗 B完全無問題！」知情者說。
曾經小產， Kelly再佗 B更加步步為營，連她最痛錫的蝦餃仔，亦唔敢抱，避免影響未佗穩的胚胎。
「 Kelly有同朋友講，話蝦餃仔好黐佢，有時扭計要抱，佢都唔敢，蝦餃仔得兩歲大，都唔知乜事，見媽咪唔抱佢，有時係咁喊，搞到 Kelly好心痛！」 Kelly身邊人說。

雖然減產，但 Kelly出席一個活動已經有幾十萬落袋，收入仍然可觀。

減產後的 Kelly，日日可以弄兒為樂，兩歲的蝦餃仔，亦長得比同年齡小朋友高大。

經理人陪返學

上週五（九月二日）早上八時半， Kelly由經理人鍾珍陪同下，帶兩歲的蝦餃仔到紅磡返 Playgroup。
當日所見， Kelly的確將蝦餃仔交給傭人抱住，身穿平底鞋的她，只負責幫手攞書包，而經理人鍾珍更儼如哎吔阿媽一樣，全程貼實兩人。
「其實蝦餃仔一路都有返 Playgroup，不過，因為 Kelly啱啱做咗人工受孕，所以佢經理人鍾珍每日都陪佢湊仔返學，萬一蝦餃仔扭計，鍾珍可以幫吓手！」知情者說。
發現有記者在場，不想蝦餃仔入鏡的 Kelly接放學時，刻意通知保安，安排兒子由秘密通道離開，而她則戴帽上黑超，匆匆離走人。

○八年六月， Kelly開完演唱會便結婚生仔，難怪 fans渴望她再開 concert。

Kelly可以再佗 BB，家人及親友都非常開心。

一於再生

過往是工作狂的陳慧琳，歌影雙線發展，高峰期試過一個月內走 13場內地騷，年賺過千萬。但自 08年 Kelly在個唱中宣布與男友 Alex（劉建浩）結婚，翌年誕下「蝦餃仔」後，工作方面推多於接，暫停做演唱會外，電影方面亦只在去年客串過《大鬧天宮》一片。
今年 3月， Kelly佗了五個月的一對孖女不幸流產，為了養好身體，一於再生的 Kelly再進一步推 job，只答應出席工作時間不長的公開活動。

香港活動：
4月　金至尊珠寶店開幕
5月　 Tony Burch Party
7月　施華洛秋冬時裝展
7月　美心月餅全球開售儀式
7月　 Loewe概念店開幕
8月　 Marc Jacobs秋冬時裝展
9月　 Moiselle秋冬時裝展
　　　美心月餅活動

海外活動：
5月　 Cova開幕（上海）
5月　廣州活動獻唱（廣州）
6月　上海奢尚盛典（上海）
8月　珠寶店剪綵（江蘇）
9月　依波路錶活動（北京）

廣告：
依波路錶
美心
金至尊
DHC化妝品
泰豐家紡