左起
趙碩之 Chin 23歲：一睇就知唔係我
周秀娜 Chrissie 25歲：呢啲工作輪唔到我
楊梓瑤 Carol 22歲：我唔會對號入座
陳靜 Chan Ching 22歲：總之唔係我
繼上月前 Freeze成員石詠莉大爆 C及 D字頭 o靚模賣淫後，近日在香港討論區及親子王國兩大網站，亦有網友大爆 C字頭當紅 o靚模，曾在尖東的夜總會做過小姐。本刊明查暗訪，發現驚人內幕。
據可靠消息指，網友所提及的 C字頭當紅 o靚模，的確在 04年間在尖東富都夜總會搵食，更在短短 9個月內儲夠錢整容及隆胸，鋪路入娛樂圈。而四位近年出晒位兼曾被傳整容的 o靚模，包括周秀娜（ Chrissie）、趙碩之（ Chin）、陳靜（ Da Da）及楊梓瑤（ Carol），成為最大嫌疑人物。
富都會位於尖東尖沙嘴中心，樓高三層，愈高收費愈貴，屬尖沙嘴的高檔大場之一。
3月 22日（星期二）凌晨，本刊發現香港討論區有網友爆料，內容寫一位化名「煉奶」的 o靚模曾在尖東的夜總會做過小姐。未幾即引來不少網友熱烈討論。之後其他網友愈爆愈多，又爆她現在仍有做賣肉生意，但就要十×萬一次。未幾，親子王國內亦有人爆該 o靚模是 C字頭。
本刊連番追查，終於由一位曾在尖東富都夜總會的媽媽生 Jenny（化名）口中，確認 o靚模 C的身份，更知道她樣貌身材都大執過。原來， o靚模 C出身低下階層，中五畢業後，讀書成績麻麻的 C小姐，做過 sales，但收入僅得數千，不足養家，為了脫貧，惟有把心一橫做小姐搵快錢。
由金魚變賣身
Jenny透露︰「 04年，嗰陣我喺尖東富都夜總會返工， C小姐唔係我旗下嘅女，係隔籬組嘅。印象中佢好聰明，好識冧客。但佢係金魚（只駐場陪客），好錫身，唔會爛做，亂咁同客出街，咁耐以嚟我都係見過佢同客出過一次街。聽講嗰個客好闊綽，佢哋有冇下文我就唔知嘞！佢當時做小姐時個英文名叫 Mandy，其實好多小姐返工都會用假名同花名，唔會用真名。」
當年， C小姐雖然樣貌同身材只屬一般貨色，但憑住口才了得，返工個多月已有一定熟客捧場，晚晚都有客輪住「插飛」（買鐘談心）。「 C小姐好醒 o架！好識留住啲斯文客。佢份人好小心，好少同班姊妹講自己屋企嘢，甚至連合照都冇，亦唔會群埋班女索嘢（吸毒）同賭錢。但聽過佢呻窮，佢亦曾經好肯定咁話，自己唔會一世窮，喺度滾夠一嚿錢就會走。」
改電話洗底
C小姐在富都上班僅得 9個月，即鋪路入娛圈。「其實佢落嚟做都係想搵快錢。佢冇做之後，同班姊妹冇再聯絡，仲連電話都改埋。咁又係，人哋之後轉咗做 o靚模，要洗底嘛。佢個樣同身材都大執過㖭，雖然整過容隆埋胸，但佢把聲實在太易認。而且，所有做過嘅小姐，公司都有員工紀錄，呢啲嘢永遠都洗唔甩！
「咁佢不嬲都係叻女嚟，出完寫真集之後佢出晒位啦！依家身價唔同晒，以前坐鐘坐成晚都係分得嗰一千幾百，依家拍個廣告都萬萬聲啦，我哋做小姐嘅，最緊要識把握機會上岸。」另一位曾與 C字 o靚模共事過的富都舞小姐洪洪（化名）透露。
只接熟客
放大圖片
去年，被譽為「 o靚界民主女神」的周澄，曾被爆在尖東夜總會當舞小姐，事後周大方承認，但強調自己並非賣淫只是陪酒，成為一時熱話。
據知，早前石詠莉大爆 C及 D字頭 o靚模賣淫，其中的 C字頭 o靚模，與近日網友所指，在富都夜總會做小姐的 o靚模應該同屬一人。其實該 o靚模自走紅以後，工作不斷，但卻十分進取，不會放棄任何搵快錢機會。當然，她現在接客比以前更小心翼翼。
「 C小姐依家有咗名氣，從來唔接生客，只係接熟客介紹嘅老細，企硬收 15萬，仲會搵中間人喺相熟嘅酒店訂房，確保嗰度嘅員工口密。」
就 C字頭 o靚模曾在尖東富都夜總會做小姐，幾位嫌疑 o靚模逐一回應。英文名 Chrissie的周秀娜，一聽到被捲入做舞小姐，即斬釘截鐵說︰「爹哋媽咪教我做人要有骨氣，呢啲工作輪唔到我，過獎啦！咁耐以嚟，我都清楚自己嘅目標，與我無關嘅嘢我唔回應。」
至於因為姓氏是 C行頭的趙碩之，則謂：「我係出過寫真集，拍過電影，一睇就知唔係我囉！至於 o靚模做夜總會小姐呢樣嘢，我就覺得個人需求唔同嘅。咁呢個女仔都有付出 o架！但一定有佢嘅需要先至決定咁做。係為靚又好，係為入娛樂圈亦好，都需要付出！」
問到經常捲入 o靚模賣淫風波，她輕鬆說︰「咁我又唔係好介懷，自己又冇做過，唔驚 o架！我自己清者自清！」
唔怕對號入座
而曾被傳整容又姓陳的 DaDa（陳靜），對於 o靚模做過舞小姐一事，淡定說：「咁人哋點做同之前做過乜而入行，我冇意見，總之唔係我，亦唔怕人對號入座。至於做舞小姐鋪路入娛樂圈係啱定錯，我就冇咩意見，人各有志。」
而浸大 E神楊梓瑤（ Carol），則強調：「如果知道係邊個，最好直接講出嚟！我覺得其實唔好理呢個人係乜嘢出身、用乜方法入行都好，最緊要係佢入咗行之後，工作表現同態度嘅啫！做乜都好，都係一門職業啫！做舞小姐都係打份工！」
被問到是否擔心被指是當事人， Carol說：「我從來唔會對號入座！如果肯定邊個，咪寫出嚟囉！好過依家估估吓吖！」
網友熱估 C小姐
3月 22日（星期二）凌晨，香港討論區有網友爆料指有 o靚模在尖東夜總會做小姐，之後又再有網友於親子王國爆該 o靚模是 C字頭，其他網友議論紛紛。可能因為話題敏感，香港討論區的有關言論，即日已遭網主刪除。
圈中人讚有上進心
對於有 o靚模在夜總會做小姐賺錢整容，再入娛樂圈搏殺，圈中一班閱歷豐富、閱人無數的前輩，都異口同聲指英雄莫問出處，最重要係睇後天實力，原來香港人都係笑貧不笑娼。
o靚模變臉升級
周秀娜 Chrissie 25歲
o靚模露 E乳拍寫真成為走紅的必經階段，但唔少 o靚模被翻舊照時，發現扁面平胸，與寫真集照片差天共地。初入行的周秀娜，面圓腿細兼鼻扁（小圖），但 09年拍寫真集時，周的五官標致，鼻子變得又高又挺。
楊梓瑤 Carol 22歲
有 E神之稱的 Carol，拍寫真集時巨乳浮波，但 09年她做美女廚神時穿上低胸衫卻連事業都谷唔起。
富都私隱度高
富都夜總會屬於尖沙嘴區的高檔場，搵小姐陪坐飲埋啤酒，平均消費約三千左右，肉金則另計。該夜總會的睇場好嚴密，就連場外也到實，採訪車想停留都難，由於私隱度高，所以有不少明星客幫襯。
尖東的富都夜總會，甚多圈中人幫襯。 09年 5月，一名在尖東富都做小姐「 N.C.G.」，於 4月上載了一篇文章，大爆她與鄭姓男星開房過程。其中更提到男星帶妓女返家時，對住「 S」女星相片搞嘢，一眾男星如鄭中基、鄭嘉穎及鄭浩南等，個個急澄清。
陳靜 Chan Ching 22歲
留言列表
{{ article.title }}
