一家九口兩個月 $0 收入謝安琪老本吊命靠積蓄度日壹週刊 1054期 @ 娛樂八掛大放送★

17/5謝安琪一個人擔起頭家，對老公仍毫無怨言。本週一二人到大埔超級城行街，十分清閒。
娛頭
一家九口兩個月$0收入　謝安琪老本吊命
2010年05月20日
去年憑《囍帖街》迅速走紅的謝安琪，估計短短一年升呢做天后養埋老公一家亦等閒，由 4,000元租的大埔黃宜坳村屋，搬到月租 28,000元，管理費亦要 8千多元的比華利山獨立洋房居住。
不過，自從四大唱片跟無綫反面，謝安琪絕跡無綫節目，人氣急跌；近兩個月更 no騷無收入，加埋老公張繼聰因陳志雲出事，被無綫叮走，兩公婆唯有靠積蓄吊命。最弊係老公唔生性，無收入依然扮闊佬，要養三架車、兩個菲傭、兩隻狗。認真閉翳！
謝晒皮
因「四大唱片」跟無綫反面，近半年都無機會現身無綫的謝安琪，相比同系已經上晒位的陳奕迅、李克勤、陳慧琳，可算是首當其衝，影響最大的一位。
由於欠缺曝光率，直接影響還未企穩腳的謝安琪人氣，找她出席公開活動演出的工作急劇下跌。過去半年，謝安琪只是主力出席一些慈善活動、頒獎禮及訪問工作，相對有錢賺的工作少之又少，收入大減，近兩個月更加 no show無收入。
「舊年年頭因為《囍帖街》攞咗好多獎，阿 Kay爆紅，收入亦十級跳，嗰時有好多公司搵佢做嘢，基本上接 job接到無停手。不過，自從無得上 TVB，加埋之前同 Eason單緋聞搞到形象插水，阿 Kay即刻謝晒！
「呢兩個月佢做嘅唔係慈善嘢，就係傳媒、電台嘅工作，根本無收入。最慘係佢做活動企硬收十萬蚊，人哋覺得佢唔值壓價佢又唔肯，咪唔搵佢囉！」知情者說。

謝安琪趕及在診所中午休息前帶兒子睇醫生，怕兒子焗親，還細心幫他除去外套。

自動電梯壞咗，二人唯有步行落商場下一層，本來行喺老婆前面的張繼聰，發現記者拍照，刻意走番轉頭扶住老婆。

睇完醫生，張繼聰抱住兒子張瞻與老婆謝安琪、菲傭，行去攞車。

兩公婆到運動用品店揀波鞋及 T恤，睇嘅都係平民貨。

大上大落
憑住《囍帖街》一曲上位的謝安琪， 09年氣勢如虹，工作一浪接一浪，更有機會於紅館連開七場個唱，短短一年，吸金過千萬，但因她有兩位經理人，抽佣唔見一大截，加上老公收入少，「一年天后」家擔極重。
謝安琪　 2009年
演唱會
香港演唱會× 7場 280萬

巡迴演唱會：
澳門× 1場 50萬
廣州× 1場 50萬

專輯
《 Yelling》 4萬× 10元 40萬
演唱會 CD＋ DVD 2萬× 10元 20萬

電影
《保持愛你》 50萬
《死神傻了》 30萬

廣告
豐澤 50萬
SonyEricsson 50萬
屈臣氏 80萬
∼ H2O+ 50萬

活動
公開活動 30個× 10萬 300萬
外地登台 4個× 20萬 80萬
共賺：$1,130萬

巡迴演唱會

豐澤

2010年
謝安琪人氣及新碟銷量同告急，出席的活動幾乎全部係慈善性質，冇錢落袋。
專輯《 Slowness》 8,000張× 10元 8萬
電影《戀心絮語》 30萬
活動公開活動 4× 10萬 40萬
共賺：$78萬
張繼聰

自從陳志雲出事後，被視為「迷雲黨」的張繼聰亦遭無綫封殺，多個主持工作臨時被飛起，近半年工作量近乎零。

2009年
廣告　衍生茶 5萬
專輯　《十億人的夢想》 500張× 5元 2,500元
活動　公開活動 15個× 8,000元 12萬
共賺： 17萬 2,500元

2010年
公開活動 4個× 15000元約 6萬
共賺：$6萬
巡迴泡湯
走紅一年，謝安琪雖然搵得到，最弊仲有個不事生產，連養自己都掹掹緊嘅老公張繼聰。
「老婆紅咗，張繼聰即刻同阿 Kay商量話唔想再住啲『山卡啦』村屋，又話想老婆同個仔有大啲嘅空間，無耐就搬咗去要兩萬幾蚊租，有前後花園二千七百呎嘅比華利山獨立屋住，嗰度嘅私人會所好豪，所以管理費都要成八千幾蚊，又請咗兩個菲傭同司機，每個月開支過十幾萬，咪又係阿 Kay俾！
「不過，阿 Kay份人無所謂，就算由佢一個人擔起頭家，要養埋老爺奶奶、老公細佬同佢個女朋友，阿 Kay都毫無怨言，好體諒老公！」謝安琪身邊人說。
謝安琪去年係威係勢在紅館開了七場演唱會，更一度向外宣揚會有十場世界巡迴演唱會跟尾，卻因為人氣下滑，多個地方的個唱計劃均胎死腹中。
「舊年幫阿 Kay搞演唱會嘅 Vigo（丘亞葵）為咗幫佢打開國內市場，早就搭晒路去北京、肇慶開過歌迷會，不過阿 Kay唔爭氣， keep唔到個勢，舊年做咗廣州同澳門兩個地方嘅巡迴演唱後，到依家都無再開騷，好多地方都泡湯！」阿 Kay身邊人說。
富豪生活開支
兩個搵埋，九個使，咪話打工仔嗌救命，即使開過七場演唱會的謝安琪，面對今日聲勢大不如前，老公搵錢有限，絕不輕鬆。
每月開支：
屋租：$28,000
屋苑管理費：$8,500
張、謝父母家用：$40,000
工人（每個$3,580× 2）：$7,160
水電雜費：$5,000
3架車油費：$8,000
生活費：$30,000
約共：$126,660
○七年一月，二人在赤鱲角機場富豪酒店擺酒。

15/5
靠老婆老本生活，張繼聰都要慳住使，練完詠春，到大圍大牌檔吃消夜，其間不斷扯煙。

在海港城西餐廳吃完晚飯，謝安琪意猶未盡，與三位友人轉場到鄰近的 Habitu飲嘢。

飲嘢飲到十一點幾，謝安琪獨自搭的士回家，更刻意戴口罩怕人認出。

同老婆晚飯唔夠一粒鐘，張繼聰一個人趕住走，原來去跟葉準師傅學詠春。

 BMA撈

去年一月，謝安琪憑《囍帖街》得《勁歌》總選「金曲金獎」，登上事業高峰期。

要靠謝安琪積蓄過活，但張繼聰就無諗過盡自己責任，幫老婆減磅。
「張繼聰同朋友講，話而家係過渡期，佢一啲都唔擔心；不過佢為咗減省開支，已經無再請司機，不過仲係要養三架車，其中一架係俾細佬揸，架七人車就方便接載老人家。」知情者說。
一度得陳志雲撐腰，忽然做了紅人的張繼聰，因陳總出事被無綫叮走，不過，張繼聰卻深信自己，懷才不遇，更加唔死心恨做歌手。
「佢原本同 Wow Music合作開，但佢又周圍唱間公司做嘢唔夠好，其實人哋只係幫佢做發行，但佢連宣傳都要人哋做埋，點知佢隻碟都只係賣得五百張，真係嘥心機。
「以張繼聰嘅條件，其實都好微，但佢偏偏鍾意做幕前，最近佢就整好晒啲新歌，走去搵羅傑承揸 fit嘅 BMA撈，都未傾到埋牙，佢已經同人講話會簽俾羅生，羅生羅太梗係唔舒服啦，人哋根本冇話要佢，至於 Wow Music知道佢四圍唱，一樣唔高興，咪兩頭唔到岸囉！」知情者說。
老公唔爭氣，謝安琪事業無起色，近日阿 Kay唯有湊仔度日。
「啱啱搬入比華利山嗰陣，都係佢老爺奶奶同老公帶個仔去私人會所玩，不過近呢幾個月，就周不時見阿 Kay同張繼聰湊住個仔落嚟，一玩就兩粒鐘，好似好得閒咁！」一名屋苑工作人員說。
睇屋邨醫生
本週一（五月十七日）中午，張繼聰做司機，送無工開的謝安琪湊個仔到大埔中心診所睇醫生。謝安琪見囝囝標晒汗，即緊張幫他除去外套；身穿低胸衫短裙的謝安琪，打扮樸素，雖然張繼聰亦著得好普通，但卻刻意戴住黑超，比老婆更扮嘢。
睇完醫生，一家三口回家休息片刻，約下午三時多，兩公婆再次外出 shopping。不過二人行街購物的地方只是大埔超級城唔係海港城、又一城，當發現記者，兩公婆更忽然恩愛拖晒手，相當刻意。
無乜工開的謝安琪，幾乎日日黐家湊仔，本刊發現，阿 Kay租住的比華利山獨立屋，設計簡單，傢俬亦不多，位於一樓的大廳除四面白牆，近窗前則種了植物點綴，一家七口都鍾意坐喺梳化睇電視。
阿 Kay租住的比華利山獨立屋，屬圓頂設計，樓高三層，地牢為車房。

16/5謝安琪一家週日晨早外出，至下午五時多返家，繼續天倫樂。

17/5睇實仔仔

背煲粥

阿仔扭計

長輩密斟