黃秋生昨日在中環出席活動時狂轟 o靚模，他火爆地說：「真係群妖亂舞，好似水滸傳洪太尉將封條解開妖氣冲天，事業線都冲天！根本係挑戰香港人道德觀念底線。就算妓女上街遊行，都會着到封頸。」對於有 o靚模拍攝意識不良片段放上網，秋生寸爆說：「佢哋好聰明但好踩界，做到好似係犧牲者。不如佢哋喺隔籬搞個十三妹起義啦！出本相書，睇全相，睇吓事業線有幾深囉！」至昨晚黃秋生繼續狂鬧周秀娜說：「佢有小聰明，冇大智慧，讀得書少係咁 o架囉。謾罵唔係宣傳手法，佢 EQ好高，但呢個行業嘅遊戲規則唔係咁，如果我拍三級片，就係三級片，唔係藝術同色彩嘅界線。」

「去搵紫藤申訴」

黃秋生又狂寸 o靚模，應該向專為性工作者爭取權益的組織紫藤申訴，又舉咖啡店不准飲酒做比喻，指 o靚模出 copybook等同將酒倒入水樽帶入場，撩人報警。採訪、攝影：梁錦雯


一向言論火爆的黃秋生昨日連環向周秀娜等 o靚模開火，甚至單打她們是性工作者。

秋生鬧爆周秀娜無腦犯眾憎

o靚模風頭一時無兩，一向敢言的黃秋生直斥她們挑戰道德底線「群妖亂舞」，點名力斥周秀娜無智慧、挑戰大眾價值觀、犯眾憎！Debby撕暴片則帶來不良風氣，很cheap，又封周秀娜與眾o靚模是「十三妹」，叫他們有申訴就搵「紫藤」（性工作者關注組織），句句入肉！

愛行性感的周秀娜昨被秋生喪鬧無智慧兼cheap爆，未知會否引發罵戰？（資料圖片）

黃秋生昨出席鍾景輝自傳記招，甫到場便被記者追問對近日o靚模出位行為有何睇法？他笑謂：「依家群妖亂舞、事業線同黑氣都沖晒天，簡直挑戰道德底線、婦女團體同政府啦。（唔支持？）每種職業都值得尊重，但有啲嘢毋庸置疑，係唔可以有偏差，佢哋嘅做法等同妓女上街遊行，但行埋入屋邨度，撩鬼攞命囉。我哋睇書嘅，但有佢哋喺度都唔會行入書展。佢哋可以十三妹結義，之後自己搞個書展喺附近抗衡。應該乘勢推出相書，教人點睇全相囉。」秋生口中的「十三妹」，原來是指周秀娜曾向外公布她跟同公司的師妹想出copybook橋殺入書展，秋生幫該十三人起了「十三妹」稱號。

秋生昨日直言現時「群妖亂舞，事業線同黑氣沖天」，挑戰道德底線。

蠢在挑戰大眾價值觀

秋生之後出席另一個活動時，被問到o靚模對其言論要申訴時即稱：「叫佢哋搵紫藤（性工作者關注組織），周秀娜知唔知紫藤係乜嚟呀？佢哋應該開個Column，叫『十三妹書展』，搵周秀娜做會長！佢咁叻，咁多橋，（點睇「撕暴片」嘅Debby？）　咪係其中一個，大家都係各出奇謀，佢哋最蠢嘅地方就係挑戰大眾嘅價值觀，簡單講係犯眾憎，（覺得佢哋好cheap？）好明顯，喺街度撕爛啲衫，男仔都唔好，仲話女仔。」

秋生愈說愈興，有記者問他有何建議給周秀娜時，他板着面認真地說：「收聲囉，喺第二個地方搞書展，佢哋有足夠嘅力量搞。性工作者去遊行無問題，但去太古城有家爺仔乸嘅地方遊行就有問題。」他還就周秀娜指書展虛偽及低能的言論，反諷對方：「咁係咪你就好坦白同好高智商？佢一句說話就鬧晒所有支持書展嘅人。」

斥唔識分色情與藝術

秋生又直斥周秀娜有小聰明、ＥＱ高但無智慧，可能讀得書少，有記者問他怕不怕周秀娜會指他無修養？秋生表示：「修養，If she got any，互相謾罵唔係宣傳手法，好似我當年拍三級片，唔能夠講話係拍藝術片，咁講只會係我唔識界定色情同藝術嘅分別，好明顯佢係唔識！」

對黃秋生的指摘，周秀娜未有回覆，Debby則關掉電話未有回覆，其經理人代稱現階段不作任何回覆。

Annie G.：講妓女佢熟啲

今年有份出寫真的o靚模對黃秋生的言論反應各異，最激者莫過舊八模的Annie G.直指秋生：「講妓女可能佢熟啲，我見佢成日同呢啲報道有關。」o靚妹仔都唔好惹！

Annie G.

A.Lin 與DaDa Lo：「首先我哋唔係妓女，我哋本書無比堅尼，無挑戰道德法律，唔好攻擊我哋！只係有班人做得個風氣唔好，個個前輩都出嚟鬧我哋，連啲老模都嚟鬧我哋，我都唔想做o靚模。係咪我哋做過o靚模就唔可以出書？」另她們表示因Copybook被禁，與公司商量後會到平機會投訴。

楊梓瑤

新八模：「有啲唔開心以妓女作比喻。後生模就叫o靚模，對人唔對事，佢哋冇畀指引我哋點樣做得好啲，我哋80後真係bad luck，我諗九十後仲慘。」

劉欣宜：「唔可以一棒打晒所有o靚模，『事業線』唔代表一切，好多巨星都會騷。」

Rainbow及Ar Yu：「前輩所講嘅形容詞搞笑，但用到妓女比喻就屬於過分。」

楊梓瑤表示不悅，但不會對號入座，只針對宣傳手法不當的o靚模，寫真不算過激，無意挑釁婦女團體。

陳靜：我驚佢話我！

「百果園咪神」陳靜（DaDa）與「翻版大S」李莉琳（Liz）昨晚現身《apm全城瞓身睇世盃》活動，大騷事業線的DaDa對於黃秋生以群妖亂舞形容o靚模，DaDa說：「咁戲劇性？可能近日多事發生，我都驚佢話我，希望佢唔好誤會我，我都係o靚模之一，雖然好想盡快脫離。」

陳靜、李莉琳

衣着相對密實的Liz否認乃o靚模一分子，她說：「佢唔係話我，我都唔係o靚模，o靚模一味賣弄性感，冇乜拍廣告嘅經驗，我都做咗好多年model，配唔起o靚模呢個名。（點睇秋生以妓女作比喻？）希望佢唔好誤會，如果想睇寫真，我送本畀佢。」

吳家欣：o靚模只算藝人

模特兒吳家欣（Tanya）昨日出席Lingerie Party Shop開幕活動，更親自挑選一件性感Bra Top作即場示範，Tanya的哥哥吳佩孚師傅亦有出席活動為該店睇風水。問Tanya今年會否出寫真集？她說：「唔會啦！我肥咗好多，同埋我打算慢慢退出唔做Model，打算開修眉店，做美容。」她又稱有留意o靚模拍「撕」暴片一事：「要宣傳都唔需要咁做，如果有人睇咗又跟住做，邊個負責任？」Tanya又認為現今不少o靚模連時裝騷亦沒行過，所以只算是藝人。

秋生斥群妖亂舞踩周秀娜冇腦

曾拍三級片的影帝黃秋生為捍衞書展而大鬧o靚模，甚至以妓女踩入屋邨作比喻！他更由朝鬧到晚，點名直斥周秀娜有EQ冇智慧，與自拍「撕」暴片的Debby一樣好Cheap！



放大圖片

近期模不停谷「事業線」胸襲娛樂圈，即使今年貿發局禁她們在書展舉行簽名會，眾女亦各出奇謀求突圍，最具挑釁性是去年寫真戰中成功上位的「寫真女王」周秀娜，與一眾師妹新八模、Annie G.、Hailey C.、A. Lin及DaDa Lo等為表達對貿發局的不滿，推出Copybook寫上「我要每年入書展辦簽名會」，更大罵當局做法虛偽。而周秀娜亦承認「Copybook橋」是她與一班師妹組成的十三人顧問團開會度的橋。

對於黃秋生的指摘，周秀娜雖然未有回覆，但她在微博上以天空比喻心情：「看着它會覺得一切一切都漸漸渺小……唯一觸摸不到的領域，可以喘息的地方。」明顯承受不少壓力，希望有喘息空間。

着搵「紫藤」申訴

他認為書展決定正確，揚言文化有高低雅俗之分，暗諷周秀娜出Copybook圖殺入書展：「佢哋應該開個Column，叫『十三妹書展』，周秀娜做會長，佢咁叻，諗咁多橋。」他直斥她們挑戰大眾價值觀：「講得唔好聽就係犯眾憎。（覺佢哋Cheap？）好明顯。（有咩建議畀周秀娜？）收聲，之後喺第二個地方搞書展。打比喻，性工作者去遊行冇問題，但去太古城有家爺仔乸嘅地方遊行就有問題。」

DaDa：驚係話緊我

對於秋生的「群妖亂舞」言論，其他o靚模反應不一，「浸大E神」楊梓瑤（Carol）說：「我覺得唔開心，但唔會對號入座，秋生只係指啲宣傳手法不當嘅人，而我嘅寫真唔係好激，無意挑釁婦女團體。」

而陳靜（DaDa）昨晚出席《apm全城瞓身睇世盃》活動時表示想盡快脫離o靚模行列：「可能近日多事發生，都驚秋生係話緊我，希望佢唔好誤會我。」同場的「翻版大S」李莉琳亦劃清界線：「秋生唔係講我，o靚模賣弄性感，冇拍廣告經驗，我做咗好多年模特兒。」

Donut的Rainbow及Ar Yu自言不是被針對的對象，更指秋生的形容詞搞笑，只不過妓女比喻屬過分。「E Cup Baby」劉欣宜亦認同秋生：「某程度上都認同，我做嘢會保留底線，唔會狙擊書展嘅禁簽令，『事業線』唔代表一切，好多巨星都會騷。」而「撕」模曾麗儀（Debby）關掉電話未有回覆，其經理人表示現階段不作任何回覆。

DaDa與李莉琳（右）出席活動，後者表示可以送本寫真給秋生。

新人冇行騷都叫模Tanya心灰引退

吳家欣（Tanya）昨日出席內衣店Lingerie Party Shop開幕活動，其兄吳佩孚亦有出席睇風水。Tanya宣布不會出寫真，並退出模界，開一間修眉店：「打算慢慢退出，開舖做美容生意！」她直指「撕」模Debby的宣傳手法不當：「係壞事，如果有人睇咗跟住做，邊個負責？」她認為不少o靚模連時裝騷亦沒行過，故不算「模」：「佢哋係藝人！」而同樣對Debby做法反感的陳嘉寶於另一活動，對不能「入」書展感被拖累說：「殺埋我哋呢啲良民！」

自爆重了七磅的Tanya，即場示範性感Bra Top。