熟食中心 o靚界新食點唔熟唔食－娛樂八掛大放送★

筆者發現近來多了很多90後喜歡幫襯熟食中心，細問下才知他們貪這裏可以一大班人圍埋豪飲豪食，大聲講大聲笑都冇有怕，全無拘謹。最新就有兩間新店分別進駐熟食中心，一間主打風味地道小炒，另一間則以和味日式便當作招徠，為求吸盡「o靚」界青睞。

住家日式便當

「日本菜一向容易令人受落，但走勻各區的熟食中心，就是沒有一家日本菜，於是我就在這裏開我的日式小店。」喜歡任何時間都架着黑超的黃生說。「鹿兒島和風便當」位於長沙灣保安道熟食中心，店舖內外都是黃生一手布置，就連便當紙盒都是自己設計訂造。他更一人分飾大廚、樓面及收銀的角色，可謂一腳踢，但卻滿足地說︰「要親民就要親力親為。」他曾是一位西廚，機緣下認識了一位日籍廚師，便跟他學會了作日本菜，本來只是在家烹調的私房菜，現以便當形式與大眾分甘同味。老闆堅持菜式少油、鹽、糖兼不加味精，更奉行多菜少肉，所以每一份便當都會配上自家製的沙律菜及野菌。菜式方面，他喜歡加入創意，為了不想跟別人一樣，做出有特色的菜式，更會每朝早親自選購新鮮材料製便當。

味噌鯖魚卷燒 $28 獨創將原條鯖魚起肉，以麵豉醃製後捲着蟹柳同燒，最後淋上鰻魚汁，賣相精美，食落軟滑香濃。

番茄芝心丸 $28 將豬、牛肉打碎製成肉丸，釀入粟米、Parmesan及Mozzarella芝士炸脆，再以秘製醬汁煮至入味，一咬熱辣芝士溢出，濃郁惹味，口感非常豐富。

吉列豬扒便當 $28 豬扒雖沒有厚切，但入口夠脆夠香口，亦保留到肉汁，配以自製的Wasabi沙律醬蘸食，更香口惹味。

秘製麻辣小炒

位於觀塘瑞和街街市熟食中心的「阿叔小廚」，聞其名還以為是一位上年紀的阿叔主理，但看到真人後，原來阿叔是一位鬈髮架黑膠框眼鏡兼滿腳紋身的潮人，他笑說︰「因為我四眼，所以身邊的人都稱呼我做四叔，因此新店就取名為阿叔小廚。曾經有客人以為舖面傳菜的阿叔才是大廚，非常搞笑！」這裏主打多款地道小炒菜式，原來老闆兼大廚四叔之前是北角東寶小廚的廚師，現今另起爐灶，鍾情做熟食中心生意。他說︰「感覺街坊啲，食客可以輕鬆自在地飲酒食飯傾偈。」四叔更表示，餐牌除了保留東寶原有的拿手小菜，例如酥炸榴槤、話梅狗仔鴨等等，他還加以改良，創製多款辣菜及小吃，更會陸續推出新菜式。

查詢電話︰2790 8885

酥炸榴槤 $55 揀選熟透的榴槤起肉打成漿狀，再以薄雲吞皮包裹炸至金黃，客人Order才即炸，入口外脆內香滑，好榴槤的人必定要一試。