閨中好友 Dannie，由中學開始已經係肥妹一個，十幾年來身形一直無變過，未過 30歲就已經有高血壓，咁啱早前搵到一個餐單，聲稱可以降血壓兼減肥，咁當然第一時間叫 Dannie試試。呢個餐單出處係源自美國減肥網站 Dash Diet，入面有好多唔同類型嘅餐單同健康飲食資訊，強調餐單食物以低飽和脂肪、低膽固醇、高鎂、高鈣、高蛋白質和纖維為主，有助降血壓和降膽固醇。 Dannie雖然係大食妹，但個餐單一樣好 fit佢，因餐單最多食 4、 5日已經可以減 2磅，絕對值得一試。經過我再三游說，加上我會陪佢一齊食， Dannie終於踏出第一步，而結果真係成功減磅！我當然乘勝追擊，日日返工前同佢一齊跑步做運動，又一齊搵營養師度身訂做減肥餐單，希望今年內可以健康地減去身上肥圈，加油呀 Dannie！
Menu早餐
麥包 2片、花生醬 2湯匙、脫脂奶 1杯
午餐
菜遠肉片飯半碟、蘋果 1個、沙律（醬汁不限）
下午茶
全麥餅 2塊、清水 1杯
晚餐
薯仔燜雞半碟（雞要去皮）、蒜茸炒白菜仔 1碟、白飯 1碗、青紅蘿蔔豬湯 1大碗、橙 1個
如有需要，每餐只可飲一杯低因咖啡或淡茶AngelaFatty：天生葫蘆身形，體重最高峯達 200磅，曾以不同減肥法減去 90磅，累積唔少減肥心得。 
全站熱搜
留言列表
{{ article.title }}
