今日父親節除了陪爸爸睇世界盃，不少藝人亦各有慶祝活動，其中何傲兒大讚老虎爸爸體貼！ 何傲芝（GiGi）與何傲兒（Lily）是圈中出名孝順女，她們趁父親節答謝爸爸何世根（Peter）多年來無微不至的照顧，除了請他飲茶外，更送上Hermes領呔，非常體貼。 Lily指爸爸在家中雖然有「老虎」的稱號，但其實十分溫柔：「有時收工成半夜3點幾，佢會專登揸車喺電視城門口接我。同埋每次我夜返屋企，佢都會等埋我先瞓。」 GiGi亦盛讚爸爸是善解人意的人，每次她們犯錯，都不會嚴苛責備，反而會盡力幫她們處理問題。GiGi最近遇車禍，坦言當時打算不再揸車，但經過爸爸的開解及鼓勵，她努力克服陰影：「車禍之後感受到家人對我嘅支持，同屋企人關係仲Close咗，我都返多咗屋企食飯！」 聽完囡囡連番讚賞，Peter亦笑逐顏開，並說：「囡囡細個嗰陣，曾經為咗佢哋升學搬屋18次，每次都為咗想屋企近學校而搬屋，依家為咗遷就佢哋返電視城返工，就成家搬咗去將軍澳住。」雖然兩女現已脫離校園，不用再見家長，但Peter仍主動要求與她們的上司樂易玲見面，希望從中了解囡囡的工作性質，明白她們在娛樂圈發展的前景。兩女為報親恩，更即場錫爸爸一啖，並大叫一聲：「我愛你！」
何傲芝（右）與妹妹何傲兒輪流餵爸爸食點心後，亦獲爸爸「反餵」。
何傲兒（左）與何傲芝齊齊向爸爸送吻。
何世根獲兩名女兒送上領呔，即席試戴。
GiGi感激爸爸鼓勵
為愛女約見樂易玲
何傲兒間中因工作關係而收夜，幸得爸爸揸車接送。
全站熱搜
留言列表
{{ article.title }}
