張繼聰（ Louis）父齡尚淺，只得 3年，但早已成為阿爸級 icon，每年父親節總有他出現。今次要揀禮物送畀老竇，他說最緊要實際，看他有沒有用便知他鍾唔鍾意，那不如買一樣他可以每日隨身帶備的，例如是……袋。記者：吳允冲攝影：陳陶鈞場地： Lan Kwai Fong Beer Bar
3歲爸爸
兒子張瞻今年 3歲，對父親節還沒概念，但 Louis反而最珍惜這段日子與阿仔相處，「每日放工，返到屋企個仔錫啖你、攬住你，已經係最大禮物啦。朝早起身，個仔問你：『食咩早餐呀？返工未呀？』已經覺得好 sweet，大個仔就唔會咁問 o架喇！所以家好珍惜。」對，有仔錫，日日都是父親節，那要甚麼禮物？
放大圖片 
■ FX Creations尼龍斜孭袋$695（前）、黑色尼龍袋$895（後）/both f
放大圖片 
■ FX Creations黑色皮袋$1,395/f
三代波牛 放大圖片 
■爸爸一講起個仔就好興奮。
作為兒子， Louis亦自稱很少特別慶祝父親節。若你熟讀八卦雜誌，都知張氏家族三代同住，根本不用擇日相見。不過今個父親節，老竇阿爺個阿仔有個最佳節目——睇波，「年年世界盃都坐埋一齊睇，以前同阿爺阿爸一齊捧巴西，家個仔都無得揀，都係同我一齊捧巴西！」事實上 Louis與爸爸兩父子的關係總離不開足球，「細個時我係足球青年軍，爸爸總會特登請假來睇我比賽，以前唔覺得有咩特別，家諗番先覺得好難得。」講到最難忘的父親節， Louis：「一定係個仔出世嗰年，佢出世之後那日就係父親節，那兩天忙不停，由夜晚搞到朝早，之後同阿爸一齊坐低食早餐，真係好難忘……那年都唔使送禮物啦！個孫就係最好的父親節禮物！可以封住佢把口幾年！」如今「禮物」已 3歲，不知張生張太會否再落力炮製新禮物？
實用型老竇 放大圖片 
■ FX Creations軍人手提袋$695/f
Louis話送禮給爸爸，最緊要夠細心，留意爸爸有甚麼實際需要，或有甚麼必需品要替換，「我和爸爸都唔注重物質，最緊要實用。」沉實的袋子應是男人必備裝備之一，「男人好得意，浪子型的鍾意個袋細，有啲爸爸就最鍾意個袋多格，又要睇埋返工定出街用……買袋最緊要都係實用，好似背囊 function同個樣要 balance，顏色要襯到衫，所以都係黑色多。」至於自用的袋，不外乎是大背囊一個，「我揀袋一定係淨色，容易 mix and match，因為我要放好多嘢，多數都係孭背囊，要放相機、 notebook，做運動時又要帶多幾套衫，所以背囊容量要夠大，乜都質得落，買嘢又唔使拎膠袋。」
爸爸搜禮$100up 放大圖片 
Babette Wasserman的袖口鈕出名在以不同物料砌成：水晶、絲、皮、甚至火山岩，連安東尼奧班特拉斯都係捧場客。袖口鈕$693/h
放大圖片 
老爸出門都懶帶袋，這個腰包便實用又經濟。 FX Creations黑色腰袋$295/f
放大圖片 
出自 Sergio Rossi手筆的 Puma交叉之作唔使六嚿，抵買！ Puma× Sergio Rossi sneakers$599/h
$1,000up 放大圖片 
This is not a Polo shirt繼續 Band of Outsiders招牌的美式風，卻是日本製，質地不易變形。間條 Polo$1,133/h
放大圖片 
WANT Les Essentiels De La Vie的皮具設計實用簡約，護照套經常出 trip的事業型爸爸必備。護照套$1,190/h
放大圖片 
送呔送到厭，煲呔其實更適合身材較矮小和大肚腩的爸爸， Cor Sine Labe Doli的搪瓷煲呔一扣即可戴上，啱晒又懶又浮誇的型爸。金色及漏墨搪瓷煲呔各$1,690/h
$2,000up 放大圖片 
意大利設計師 Luca Gnecchi Ruscone以在倉庫發現的一副阿爺的太陽眼鏡為靈感，系列找來阿爺級的工匠打造，鏡框上不見 Logo，近期 GQ力煲！ LGR太陽眼鏡$2,990/h
放大圖片 
想送對舒服又有型的鞋畀阿爸， High Fashion Sneakers是斯文皮鞋以外的選擇， Neil Barrett這對黑中有波點，低調得來 playful。 Neil Barrett sneakers$2,933/h
放大圖片 
一向鍾情 Nixon的七彩膠錶，送畀阿爸當然要揀成熟的款式，設計 classic又有型，重點係價錢唔算貴。 Nixon手錶$3,840/h
查詢：f. FX Creations（ 2175 0288）h. Harvey Nichols（ 3695 3388） 
■以《星球大戰》黑武士為靈感的背囊，設計特別亦具功能性，最啱放 notebook。 FX Creations黑武士 Backpack$795/f
留言列表
{{ article.title }}
