曾志偉賴A.Lin太認真

曾志偉、梁政珏、梁靖琪等昨晚錄影《超級遊戲獎門人》，志偉對於早前以「搵女如點餸」力撐兒子曾國祥，反被乖仔舊愛A.Lin反唇相譏，志偉笑笑口說：「現代女仔唔係好知我哋個年代係以『菜』嚟稱呼女仔，都係講笑o者，原來佢哋咁認真，都唔好玩嘅。」說罷即轉身走人。

志偉對「搵女如點餸」的言論表示純粹講笑。

梁政珏則說：「啱啱喺南非拍完世界盃特輯，喺南非期間，公公逝世，遺憾冇見佢最後一面。」她自爆自己在南非時有幽閉恐懼症。

梁政珏自爆患上幽閉恐懼症。

志偉代仔寸A. Lin懶摩登

曾國祥近日涉及多角戀，其父曾志偉以「點餸」形容兒子多女友，因而觸怒事件主角之一的A. Lin，還以「做人要專一啲」來反擊，好姊妹DaDa Lo則借Blog撐到底！對於事件未平息，志偉、梁靖琪（Toby）、梁政珏、鄧穎芝及森美等昨晚錄影《超級遊戲獎門人》時，志偉不改調皮本色說：「依家啲女仔比較現代，唔知以前用菜稱呼女啫！我都係講笑，既然大家都咁認真，咁我就唔好參與喇！」

進行遊戲時，獎門人大灑鹽花，導演火火於「搵啖食」遊戲中，食不到太陽蛋，森美即笑說：「男人唔食隔夜蛋！」志偉說：「你哋唔食蛋，係食撻啫！」其後更拿了一個撻給EO2的Eric食，誰知Eric食到一面都是，森美笑他「賴」撻，志偉說：「食唔到唔緊要，唔好賴嘛！」而Eric玩「坐波波」遊戲時，「下下」飛身，錢嘉樂笑他是「舂坎角」！至於公私兩忙的Toby透露，公司生意不俗：「有7、8單等住，之後8月會開劇，同佘詩曼合作，好期待！我想下年結婚，可惜未有對象！」剛從南非返港的梁政珏透露，無法送公公最後一程。

曾志偉



Otto出盡全力，飛撲坐在火火身上！



鄧穎芝玩到面容扭曲。



Toby飛撲向前，着地時痛到按心口！