寶馬 BMW M3 Coupé　見到尾燈當贏 @ 娛樂八掛大放送★

寶馬呢輪認真多新車，繼 5系大轉款、 1系小改款後，今次輪到 3系，仲要屬高性能版嘅 M3車種。新款 M3繼續以超班性能取勝，最大變動係尾燈，橫躺「 L」形設計，似足豎起拇指再指向地，信心滿滿咁同後來者講：見到尾燈當你贏！記者：徐影龍攝影：周旭文Model： Pinky@Pure Models

正爆碳纖頂放大圖片

2010版 M3到港，雖然暫時只有 Coupé款，四門及開篷仲未知幾時返貨，不過個人認為，始終雙門 Coupé嘅流線車身先最吸引。外形依舊保留大量 BMW家族式設計，一對雙腎式鬼面罩，以及扁長頭燈，串埋一齊依然有股莫名氣勢。跟舊款 Facelift版相比，最顯著分別係尾燈，採用橫躺「 L」形設計，配置更明亮嘅 LED燈，燈罩亦由紅加白改為透明紅設計。另外標準版改為碳纖車頂，想要換上天窗就要加錢，但揸得 M3，碳纖車頂先係最吸引，有型得嚟亦令車身更輕，變相又增加咗動力輸出，玩天窗不如買番四門版甚至開篷版好過喇。2010款 M3並未大幅改頭換面，舊車主似乎無乜藉口換車，不過車價由原先 130萬，改動至家陣嘅 114萬多啲，實在相當吸引，亦將會令唔少舊 3系車主心思思升級。

放大圖片

a.尾燈改動最大，橫躺 L形兼變成全透明紅燈罩。

放大圖片

b.全套 M-Sport飾件標明正身，型到爆。

放大圖片

c. 19"多輻式 M系輪圈，襯落 Coupé顯得相當巨大。

放大圖片

d.碳纖車頂為標準配件，比天窗更吸引。

420匹超強馬力放大圖片
■操控性及車身平衡一向係 BMW強項。

■操控性及車身平衡一向係 BMW強項。

寶馬 M系專玩高性能，齋玩裝飾嘅 M-Sport配件，都要幾萬蚊一套，何況連引擎、懸掛、電腦、波箱等，全部都 Tune過晒嘅 M制式，性能及操控已算係落 Track級數，可以話係斯文同火爆完美配合。 V8引擎要到 8,300轉先到最高馬力，香港根本毋須踩到咁盡去榨出 420匹馬力，反而 3,900轉就到 400Nm扭力峯值更吸引，加上 M DCT七速雙離合器波箱，轉波反應靈活，試過喺珠海狠劈同級 M3，呢台引擎嘅頭中段表現真係話爆就爆。樣靚、好揸，車廂舒服都好重要。內櫳以黑紅 Two Tone配襯，火辣中帶點高級豪華美感，雖屬四座位設計，可幸後座一點也不「 Dog Seat」，車內空間尚算闊落，就算高大男士再加長腿女伴，兩口子一樣坐得舒服妥貼。

放大圖片
■ M3 Coupé火氣十足又不致過份剛陽味，女士都好適合揸。