食生蠔雖不至於是一門藝術，但要食得招積，當中大有學問！丘凱敏（Anna）向來是識食之人，對食蠔當然絕不馬虎。 早前她到一間法國餐廳歎生蠔，順道品嘗充滿Fusion色彩的西餐，令她食指大動。面對眼前一盤盤從各國入口的新鮮生蠔，Anna已禁不住「先食為快」：「呢度嘅生蠔全部由法國、美國、澳洲同南非空運入口，真係好新鮮，我食生蠔一定要食Creamy啲，肥美得嚟，入口啖啖肉！」 Anna又大讚「薄荷乳酪烤羊架」：「真係一啲都唔膻！肉質好易入口，仲有啖啖薄荷味，真係想食完再食！」她續說：「其實我冇食牛肉幾年，紅肉亦可免則免！唔食牛嘅原因係因為想皮膚靚啲同脾氣好啲！仲有，我依家堅持每朝早食兩匙羹燕窩，用薑清燉，一啲都唔會肥！」 適逢餐廳推出自創「北海道牛奶燕窩奶凍」，啱晒Anna「合尺」：「牛奶擺底，燕窩放面，真係好好食，又養顏！」
法式煎蟹肉餅 $78
薄荷乳酪烤羊架 $228
北海道牛奶燕窩奶凍 $78
各國入口的生蠔琳琅滿目，令Anna食指大動！
薄荷乳酪烤羊架唔膻兼易入口，Anna坦言吃多一點又何妨。
養生妙品
原來生蠔極具食療保健作用，神農本草更將之列為上品，具清肺養心及滋陰補血功效。正所謂「藥療不及食療，食療不及心療」，生蠔絕對有助心療，對男女老功均有裨益，對體弱及有腫瘤的病人尤見療效。
全站熱搜
留言列表
{{ article.title }}
