小方前晚出席好友雷頌德（Mark）的新店開張時，已深知紙包不住火，順水推舟暗認戀情。雖然他否認十月結婚，但每次談起Stephy時即甜在心頭。問到方爸是否喜歡Stephy？小方直認不諱：「都鍾意o架！佢哋都識咗好耐！」他還透露已見過Stephy的屋企人：「除咗佢爹哋外，我見過佢媽咪、家姐同姐夫！」

問到是否不打算公開戀情？小方說：「公開就唔會喇！私人感情唔會公開，始終要保護感情，但我冇乜嘢畀人影！」無私顯見私的他可謂半公開戀情，當被追問到何時結婚？他竟說：「幾時都冇所謂，最緊要係生小朋友！」談到他與Stephy幾多歲時，小方更暗示娶硬Stephy：「佢係26、我就30歲，依家要拚搏事業，希望五年內先講結婚！」

提到同居及借車位一事，小方表示的確是搬了新居，但只與家人居住，被問是否與Stephy已成一家人？他說：「唔係啦！住附近啫！我屋企又多咗個車位用唔着，佢冇車位咪畀佢用。」他亦承認與兩人認識多年，借車位亦冇所謂。

作為死黨的Mark被問到小方許下五年承諾，他說：「五年耐得滯，三年好喇！」他又催促小方快些造人：「佢兩個生出嚟嘅實靚。」原來Mark亦雙喜臨門，其太座梁家玉穿上Duras Amdient雪紡裙時腹部隆起，原來是有喜，他說：「10月預產期，又係仔！（追個女？）唔喇！太太之前已有個仔，加埋三個仔，再生變Big4。」而Big4與李治廷亦畀面撐場，黎明則到場15分鐘後速閃。

第一手消息請瀏覽on.cc
《即時新聞》

03年9月：兩人被拍得相約逛街的照片，戀情即時曝光，Alex更盡顯風度為女方找數。

分開期：

04年2月：有傳Alex與鍾欣桐（阿嬌）秘密拍拖三個月，Stephy得知後即恭喜他兼得戚地說：「都話我唔係o架啦！」

06年1月：Alex與Stephy在《獨家試愛》中飾演一對夫婦及有激吻戲，Alex表示拍攝前不需要向緋聞女友阿嬌備案。

06年5月：有傳兩人轉玩地下情，但Stephy否認。其後有傳Stephy難抵苦追她兩年的導演葉念琛，頻頻與對方單獨約會。

翻撻期：

07年2月：有網友踢爆Stephy藉新歌《日久生情》向Alex示愛。

08年3月：有指兩人合作新片時翻撻，兩人於中環為MV時更有傾有講。

09年1月：Stephy為方便與愛郎見面，有傳她在Alex資助下搬往男方碧瑤灣寓所附近的貝沙灣豪宅。４月時，Alex被指狂追「美少女廚神」Rainbow，但他直指對方採取主動，暗示被人擺上枱。

明戀期：

09年10月：Stephy邀同事開生日派對，Alex以「男主人」身份首個現身，並作狀抱賀壽星女，三年地下情漸浮面。

10年5月：中港台藝人齊集為玉樹災民籌款，兩人合照後即放上微博晒恩愛！他倆表情一致，齊齊舉起V字手勢大晒陽光笑容。

10年6月：有傳兩人秘密同居，並計劃10月結婚，在W酒店預訂酒席，但Stephy即時在微博否認。