A. Lin被爆與曾志偉兒子曾國祥陷入多角戀，男方腳踏多船，與正印女友、A. Lin及神秘新進o靚模拍拖！該神秘o靚模面紗終被揭開，原來是A. Lin的模界朋友「理大校花」Ivy！兩女對曾國祥又愛又恨，Ivy極力維護，A. Lin則不留情面地暗寸花弗。

「理大校花」Ivy樣靚身材正，承認與曾國祥拍拖兩個月。（資料圖片）

A. Lin（裴殷）被爆與曾國祥拍拖，曾國祥更被指一腳踏多船！盡享齊人之福的他與正印女友、A. Lin及神秘新進o靚模陷入多角戀，模界更盛傳該神秘女友是A. Lin的朋友「理大校花」Ivy（蔡瑩瑩）！

Ivy與曾國祥在今年三月開始拍拖，拍拖兩個月。期間曾國祥對Ivy愛護有加，大耍冧招，但Ivy不知曾國祥另有女伴，被蒙在鼓裏。她於五月三十日曾在微博寫上：「有時真的慶幸自己上過這一課。」未知是否暗示被曾國祥欺騙感情。

讚好男仔有情有義

本報前日向Ivy求證事件，初時她支吾以對：「我同佢係朋友，識咗一年，後尾撞番。（咁A. Lin呢？）工作認識。」經再三追問與曾國祥關係，她昨日才承認：「係有拍過一段短時間，佢係好男仔，對人有情有義。」不過她封口不提是否與A. Lin陷入多角戀，但她在微博上不時透露默默忍受及相思之苦。

另一女主角A. Lin坦言因失戀而生病及痛哭，直指對方是衰人。她表示於電影試鏡時認識對方，雖非俊俏，但很有才華。問到是否與曾國祥拍拖？她說：「唔想再提。」再問有否到美國見對方家長？她只承認當時身在美國。並自爆知道男方有感情穩定的女友，受甜言蜜語所氹而做第三者。她說：「諗番之前嘅自己好蠢，都有少少dirty。」

A. Lin承認曾受甜言蜜語迷惑甘做第三者，不留情面批評前男友花弗。（資料圖片）

曾國祥

左起：Ivy、DaDa及A. Lin經常一齊出席活動。

同發短訊罵前男友

A. Lin憶述如何拆穿男友真面目：「嗰時同男友有啲唔開心，同朋友去唱K，見到有個女仔仲慘情過我，佢話男友瞞住佢同第二個一齊，傾傾吓發現我哋男友係同一個人，當時好嬲，個衰人呃咗我半年。原來我唔止係第三者，可能係第四、五、六者！」她表示兩女一同發短訊罵前男友，但拒絕男方當面解釋。

A. Lin不僅在微博中暗寸有人講大話，昨日她得知曾志偉以叫餸作比喻撐兒子，她激動地說：「一個人一碗飯、一碟餸已經夠，做人專一啲！」她表示日後與男方碰面會尷尬，又稱曾有人致電叫她保持低調，而受害朋友亦有安慰她，不擔心做第三者而影響形象。昨晚她再在微博表示要走出陰霾。

曾國祥則在微博表示不欲多談，以免愈描愈黑，得張繼聰與Ivy同門李莉琳留言支持。

A. Lin（裴殷）

年齡：21歲

身高：161cm

三圍：32C、24、34

學歷：中七畢業

Ivy（蔡瑩瑩）

年齡：24歲

身高：165cm

三圍：32B、25、33

學歷：理工大學畢業，會考25分

志偉撐兒子溝夠30個

曾國祥被o靚模A. Lin指摘一腳踏三船，身為老竇的曾志偉得悉後笑言：「冇用！得三個，冇啲父風！其實有咩所謂？後生係無敵嘅，乜都得，我哋依家成日話『早知以前』，後生嘅咪試吓囉！好似叫餸咁，多啲選擇啫！（幾多至算多？）唔好超過三百個，三十個最好，卅一日多一日可以休息。」有傳曾國祥曾帶A. Lin見他，志偉說：「帶太多喇，唔記得。」

志偉指兒子太多女友，忘記有否見過A. Lin。

此外，早前「情繫玉樹關愛大行動」籌款活動，至今仍未收到方逸華當日所捐的一千萬，志偉解釋因方小姐要捐給中聯辦轉到教育部建學校，並非籌款活動五間受惠機構，故不能計算在內。而善款截至五月卅一日，共籌得三千四百一十二萬元。

DaDa為友出頭揸刀捅負心漢

「舊八模」的DaDa（盧頌之）和A. Lin因同屬一公司，加上兩人最近又組成女子組合「SugarBeez」闖樂壇，感情深厚情如姊妹。對於A. Lin自稱被負心漢欺騙感情，氣憤又心痛的DaDa即為好友出頭，她說：「我都識嗰個男仔，如果畀我再見到佢，我用西瓜刀『捅』死佢。」DaDa又寄語A. Lin盡快忘記不快事，相信惡人有惡報。

A. Lin（左）與DaDa經常以孖妹組合出席活動。