旅行旅遊美國關島水族隧道 Bar 蛙人泡泡 @ 娛樂八掛大放送★

關島有個大魚缸，日頭正正經經，一到夜晚便 wild起來……別心邪！巨大魚缸內住的，是 500磅石斑、 1米長魔鬼魚！魚呀魚，你藐我做咩啫？那碟三文魚刺身由加拿大空運來，唔係你同鄉喎！記者、攝影：吳允冲鳴謝：關島觀光局、 Continental Airlines、 Outrigger Guam Resort

世上最長水族箱

Tumon Bay大街上的 Underwater World，日頭只是個普通水族館，「水族館長達 122米，是世上最長的隧道式水族箱之一，內有蜘蛛蟹、水母……還可親手掂掂海星和小鯊魚。」小冊子上這樣寫。對於去海洋公園去到厭、海鮮酒家如海洋生物館的我們，還有何新鮮感？且慢！ 8點半過後，驚喜才出現，強勁 club music響起， bar tender埋位，隧道內放滿餐枱，竟然變成一間 lounge！大部份人飲嘢傾偈居多，但也可點 sea grill晚餐，究竟在魚群面前吃燒魚，又是甚麼感覺？難怪海龜和鯊魚坐唔定游來游去，無覺好瞓！突然面前出現好大好大一條魚！嘩！原來係蛙人！他慢慢拔開氧氣喉，冒出的泡泡竟可變成心形！他平日要餵鯊魚，夜晚還要娛賓打觔斗，真係辛苦晒！難為魚的風頭都俾佢搶晒！

放大圖片
■這裏供應果汁和 cocktail，別想要烈酒。

■這裏供應果汁和 cocktail，別想要烈酒。

放大圖片
■漏氣的雞泡魚一遇危險便會脹大。

■漏氣的雞泡魚一遇危險便會脹大。

放大圖片
卜卜卜！你有咩心事想講呀？

卜卜卜！你有咩心事想講呀？

放大圖片
■蛙人「吹」的心形泡泡影相影極都唔成功！

■蛙人「吹」的心形泡泡影相影極都唔成功！

A. Underwater World地址： 1245 Pale San Vitores Road入場費：$273（連飲品一杯）

窮人象拔蚌刺身放大圖片
■大叔十幾年前已上過《康 X最緊要好玩》啦﹗

■大叔十幾年前已上過《康 X最緊要好玩》啦﹗

關島物價拍得住日本，買個杯麪都要 US$4，所講地道美食來來去去都係 BBQ，味道最驚喜的，居然是「素象拔蚌」！這個在阿布根堡賣椰青的阿伯，我小時候看電視已見過佢！十幾年前他忽發奇想，將飲得乾乾淨淨的椰青劈開取出椰子肉，加點醬油和 wasabi，成為椰子刺身，入口質感竟與象拔蚌一樣！爽脆又鮮甜！

放大圖片
■關島的椰子特別爽甜，加醬油 wasabi吃，居然似象拔蚌！$40

■關島的椰子特別爽甜，加醬油 wasabi吃，居然似象拔蚌！$40

放大圖片

B.地址： Fort Apugan,Agana

趁墟串燒早餐放大圖片
■炭火燒豬和燒雞醃得超入味！$8

■炭火燒豬和燒雞醃得超入味！$8

在島上 shopping除了逛大商場和 Duty Free，到了周六、日，朝早可以去 Morning Market逛逛，說是早市，其實是關島人的街市，當地人將魚穫、屋企種的菜、自製糕點統統拿出來賣，還有從海中撈出來的海葡萄。香港人習慣周末一盅兩件，關島人則喜愛一碟兩串。無 BBQ不歡的他們，天未光已用明火炭燒豬肉串，雖然外表好似燒燶了，但肥瘦相間，特別甘香 juicy，加上一大盤炒麪和有料粥，勁量早餐已經足夠飽到天黑。若覺得太過 heavy，可以來一杯珍多冰，甚至乎豆腐花、油炸鬼做早餐。

放大圖片
■賓治，甜味非常人能接受！$24