莊思明甩拖 擦鮑療情傷
前港姐季軍莊思明（Lisa）與德越混血男友拍拖近半年，經常被拍到煙韌夜蒲，但原來近日因難抵分隔兩地已低調分手！日前Lisa與同屆冠軍陳庭欣（Toby）現身荃灣區，並到區內甚有名氣的龍記海味辦年貨，剛經歷情傷的Lisa起初愁爆木無表情，但老闆龍哥勁識做以貴賓式招待，請兩位港姐食鮑魚及花膠糖水，Lisa甫見美食即開懷不少，不停狂食非常開胃，似乎想靠飽肚療情傷！龍哥又拿出價值十多萬元的「鰵魚」魚膠，看得兩人目瞪口呆，最後買了不少年貨滿載而歸。
事後Lisa接受電話訪問直認分手，但暫時不急於拍拖，反而更感親情可貴，因此趁新年四出辦年貨孝敬家人：「以前我好少幫手買嘢，但知道好多長輩鍾意花膠海參，對健康好，所以都想親手買啲。（點解分手？）唔想拖累大家，始終佢唔係長期喺香港，但依然係朋友。」
情人節姊妹齊過
此外，Lisa胞姐莊思敏昨日出席明珠台情人節活動時亦大爆Lisa甩拖：「亂拍拖會傷身，思明都散咗啦！情人節兩姊妹一齊過囉！」同場單身不久的龔嘉欣表示情傷已復元，暫沒有跟舊愛鄧健泓及其緋聞新歡張嘉兒聯絡。
莊思明與陳庭欣獲海味舖老闆貴賓式招待。
莊思敏表示情人節會與妹妹莊思明一起過。
文：影視組
甩拖莊思明愁爆辦年貨
前港姐莊思明（Lisa）及陳庭欣（Toby）日前被發現在荃灣區的龍記海味辦年貨，Lisa全程愁爆，老闆龍哥不停請她們吃鮑魚及花膠糖水，Lisa見到美食亦重拾歡顏，最後買了不少年貨。事後她接受電話訪問時，自爆跟拍拖近半年的德越混血男友分手，問到分手原因時，她說：「始終佢唔係長期喺香港，但仲係朋友。」此外，Lisa姊姊莊思敏昨日出席活動時亦說：「亂拍拖會傷身，思明都散咗啦！情人節咪兩姊妹一齊過囉！」
莊思明（左）、陳庭欣（中）
全站熱搜
留言列表
{{ article.title }}
