社交圈

男人恩物

2013年02月07日 ~~ 第1196期 香港《壹周刊》

女人身材永遠是大家的冰淇淋，性感少少確實有賣點，即使著到密密實實，身材突出，一樣令人有幻想空間。

Amanda S.　飛機場


上週五，模特兒 Amanda著住 Givenchy deep V喱士晚裝出席 Van Cleef& Arpels在演藝舉行的晚宴，見她瘦到波平如鏡，原來因為做餅店生意捱殘了，「依家體重 48kg好過以前，無諗過做生意咁辛苦，自己落手落腳做好 depressed，仲有抑鬱，但無睇醫生。」條裙咁低胸，老公有無望過？「佢未見過條裙，但唔會嬲，佢 very proud of this。」

謝婷婷　有收視




平時谷吓就有胸的謝婷婷，可能唔想搶了 Van Cleef& Arpels珠寶的鏡，所以出席晚宴時佢著咗條 off shoulder裙封胸，但依然獲該品牌的全球總裁 Nicolas Bos「青眼」𥄫胸。問婷婷狄波拉有無留嫁妝俾佢？「媽咪話保險箱好多首飾，佢知同我口味唔同，佢都話可以拆 啲石出來自己做過。」 

蔡穎恩　自嘲平胸




在電影《歲月神偷》扮純情學生的𡃁模蔡穎恩，在飯局上抽到比堅尼泳衣，全場起哄，領獎時佢無尷尬自嘲話：「係咪知我平無胸，所以送俾我？」仲即時鋪上胸前，跟公關公司老闆周美鳳嘻哈合照。 

何明懿　 Keep得好




身材嬌小玲瓏的大馬主何壽南女兒何明懿，著住條露肩晚裝晒胸跟老公湯聖明出席 Van Cleef& Arpels珠寶晚宴，年屆五十的她仍保養得宜，堅挺的豐胸好多𡃁妹都自愧不如。 

Ana R.　玩波波




愈來愈識做的鬼模 Ana，上週五晚出席周美鳳 Frement公關公司 annual dinner，她不但主動走到記者席傾偈，玩遊戲時亦夠晒投入，唔介意全身黐滿波波，成功搶鏡。提起男友識打 boxing，她真情流露：「見到他咁專注， it's really hot, I am so obsessed in him。」 

吳君如　女兒識貨




賀歲電影《百星酒店》上週五在會展舉行首映，吳君如一到場即表示自己有 嘢講，「今日最好笑，換衫時同囡囡肉帛相見，佢話：『媽咪點解有 啲人大（胸） 啲，有 啲人細（胸） 啲？』佢明明話我平均。」原來囡囡之後改口話都係鍾意工人姐姐的 size，「個女有少少知道個重要性，佢話媽咪身材真係似個男仔，我即刻反晒眼。」 

大劉唔捧場


華置主席劉鑾雄女友呂麗君的新馬「替天行道」，於上週六首次出戰沙田馬場，不過大劉唔俾面，無去捧呂麗君隻馬，中午仲同甘比及女兒劉秀樺一齊去福臨門歎茶。又係嘅，就連馬主呂麗君都無去馬場，擺明三甲無望。


大劉帶埋胞妹、阿媽和甘比兩母女去福臨門，新馬主呂麗君就無影。


潮著鴛鴦鞋的秀樺落樓梯，大劉小心拖到實。

撰文、攝影：名人組

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄