玩純情
兩年前在《公主嫁到》合作過，當時法拉只是女配角，如今升格一線，終於有機會跟陳豪做一對。
探熱針
鬆一口氣 特赦雙視帝 陳豪黎耀祥免嘴
吊頸都要抖吓氣！無綫新劇《傳愛事務所》，黎耀祥、陳豪、伍詠薇、陳法拉雙生雙旦孭飛，組合算是近期較新鮮外，無綫更加暫停「灑鹽」，讓觀眾有機會清一清口，洗一洗眼。唔該晒！
親熱戲有限
兩大視帝鬥戲，黎耀祥與陳豪合作新劇《傳愛事務所》，祥仔搭檔執三攤做女主角的伍詠薇，陳豪與薛家大少奶的陳法拉做情侶，四個主角各有家室，談情親熱位，全部蜻蜓點水。
早前，劇集演員晒冷到油麻地果欄拍外景，兩對情侶摸吓錫吓手，玩溫馨！
「場戲係講我想追番做法官嘅前妻（伍姑娘），佢接受咪大家拖住囉。親熱戲？監製冇安排，我的確比較少拍啲嘅。」人夫黎耀祥說。
劇中演情侶，但陳豪陳法拉兩人試劇時表現生疏。
三攤女一
祥仔前妻角色最初屬意邵美琪，但有傳她不滿《大太監》為了遷就米雪被逼做奸角，所以推劇，之後再找郭羨妮，但撞正她開拍《初五啟市錄》，結果由伍詠薇執三攤接手。
陳豪唔敢望法拉
至於陳豪，對住早有另一半的陳法拉，十足怕醜仔。攞住汽球拖實法拉時，幾乎連正眼望對方都唔想，錫手時又表現得尷尷尬尬，專一到呢！女友陳茵媺可完全放心。
早已秘婚做薛家大少奶的陳法拉，兩年前已經同公司講好數唔拍親熱戲，嘴嘴免問，錫面已是底線。
「呢排大家都興講重口味，我唔係咁鍾意用呢啲手法，感情戲唔一定要攬攬錫錫，可以用其他方法表達，但我強調，並非為咗遷就啲主角，刻意唔使佢哋拍親熱戲。」監製徐正康說。
無綫停止灑鹽，主角唔使嘴，女配角馬賽反而有得發揮，劇中要被法拉前男友王浩信強姦。旁為陳智燊。
去年台慶失落「男配角」獎的陳國邦有份客串，最近他密密北上登台，為囡囡搵奶粉錢。
參考真實個案
由播完的《法網狙擊》，到剛拍完、由郭晉安、陳敏之孭飛的《法網囂雄》，加上趕拍中的《傳愛事務所》，清一色法律題材。
「喺外國同其他地方，律師題材嘅戲都好受歡迎，今次我哋拍嘅，係專打遺產案嘅律師，故事圍繞嘅人物，好大部分係有錢人，有好多真實個案可以做參考。」徐正康說，劇情在細節方面，會和真實遺產官司有分別，絕對唔會抄，避免含沙射影。
要高寧「波波」
在果欄派汽球，高寧很受小朋友歡迎，無論臨記定途人，都爭住向她攞「波波」。
高寧在《法網狙擊》被強姦的半裸戲引起不少回響，新劇強姦苦主換上同樣身材有睇頭的馬賽。
留言列表
{{ article.title }}
