探熱針
周慧敏後台做阿四 關淑怡穩定回報
相隔五年再到紅館，關淑怡回復正常，唔再神化。無論宣傳定排練，都落力做到足，近年罕見。
唔再玩失踪失常，全靠一班圈中好友，包括阿倫、克勤、草蜢力撐，主動報名做嘉賓，好姊妹周慧敏更加走入後台做阿四，由總彩排到開騷，阿 V落手落腳幫手試妝，研究 rundown。愛心騷，令關淑怡更揮灑自如。
Shirley習慣吃飽才開騷，首場便吃了一碗牛肉飯加大良炒鮮奶，十分好胃口。
這件露背裝，如果腰間多嚿肉，都著唔起。
試衫時， Shirley伸脷 V手顯示鬼馬一面。
由 Tomas Chan設計的歌衫，黑紗裙配閃石內褲，若隱若現。
病住唱
去年九月驚爆想自殺的關淑怡，嚇到身邊朋友、 fans面青。虛驚之後，決定再上舞台，重新發奮的 Shirley情緒回穩，作風大轉變，原來是好姊妹周慧敏影響。
「對於熟人 Shirley可以乜都肯講，但對住唔熟嘅，佢就會保持距離，好易俾人難搞嘅錯覺，嗰次件事（嗌自殺）之後，阿 V花咗好多時間同心機鼓勵佢， Shirley感受到自己被關心，開放咗自己好多，做嘢亦積極番！」關淑怡身邊人說。
復出以來，已第三度在紅館開騷，關淑怡狀態好，歌衫亦件件性感，踩住八吋高踭鞋跳辣舞，四十六歲，依然潮味濃郁。
總彩排當日，有感冒的關淑怡依然頂住。「病住做其實都幾辛苦，但我只想做好個演唱會，幾辛苦都撐住！」
雖然病緊，但關淑怡對演出仍非常緊張，邊整妝邊睇 iPad練歌。
總彩排當日，阿倫亦有到場，見到 Shirley誇張的眼妝，大讚夠妖。
周慧敏未有上台做嘉賓，卻一直在後台幫 Shirley打點，唔收錢做阿四。
草蜢主動幫 Shirley做嘉賓，四人一齊研究舞姿。
在演唱會後台一角放了兩幅佛像畫， Shirley還買了鮮花生果及餅乾供奉。
谷晒胸兼透視 bra，四十六歲關淑怡依然有睇頭。
全站熱搜
留言列表
{{ article.title }}
