o靚模姦劫事件震娛圈 259,704 
DaDa
【係一件悲劇！】
■一眾𡃁模昨日均很關注有同行上周六被姦劫事件，並齊聲否認是當事人。資料圖片
每年盛夏必有大量樣靚身材正的𡃁模殺入娛圈，她們為求存均各有出路，昨日驚爆一名25歲𡃁模上周六到酒店約會一台灣男子，卻變成姦劫事件。本報記者昨日訪問圈中一眾𡃁模，她們均否認是受害人，對事件感到很震驚，同情受害人之餘，也叮囑所有女孩要小心保護自己。
一名曾推出寫真集的25歲𡃁模，上周六在將軍澳一間酒店疑遭姦劫，事件轟動娛圈，圈中𡃁模紛紛否認是當事人，何佩瑜（Jeana）和陳靜（DaDa）斥該𡃁模令同行蒙羞，鍾蕙芝（Lavina）也指受害人行為愚蠢。
警方消息稱，25歲的𡃁模報稱透過中介人認識一名34歲台灣男子，兩人上周六相約在酒店會面，男方答應給15萬酬金邀她飲酒聊天，女事主稱不包性服務。當日女事主到場，飲了不明飲品便失去知覺，醒後赤裸兼下體疼痛，經酒店報警，她發現遺失了一部6,000元手機和300元現金，她更表示被強姦。
Lavina
【佢好可憐，有少少蠢。】 
Jeana
【我會練好酒量先出去。】 DaDa：女仔要自愛
警方追查下發現為台灣男子租房的女子也是同齡25歲𡃁模，她自稱跟該男是情侶關係，酒店房於案發前一、兩日才租下，本打算退租，但男方要求代為續租多一天。警方已列作懷疑強姦案，並交觀塘警區重案組跟進，暫未有人被拘捕。
𡃁模發生姦劫事件曝光，DaDa感到十分震驚，她昨日在電話中說：「不道德交易亦證明佢係不道德嘅人，誠信、人格都唔可信，做女仔要潔身自愛。」相信受害人被迷姦嗎？她說：「冇話信唔信，又唔係我，但覺佢好蠢，咁唔錫身，畀歹徒咁樣落藥係一件悲劇。」
Jeana昨日也說：「佢唔係咁天真，以為飲嘢就袋15萬。食得鹹魚抵得渴，佢都成25歲，我就會練好酒量先出去。」
Lavina昨日在電話中說：「誤會係我就好無辜，我唔會有乜嘢感覺，我屋企人都唔睇娛樂版。」Lavina指𡃁模賣肉風氣不可長，她說：「樹大有枯枝，乜嘢人都有，娛樂圈更加複雜，唔可以一概而論。」
Iris
【女仔唔好咁儍。】 
趙碩之
【飲嘢真係要小心啲！】 Phoebe：唔單獨應約
Lavina相對非常同情受害人，她說：「佢好可憐，有少少蠢，女仔要學識保護自己，邊有咁大隻蛤乸隨街跳。」Lavina表示近年收入來源是到內地打碟，她說：「每個月有三、四場，每次五位數字，我係慳妹，目標係賺錢買樓同屋企人住。」𡃁模趙哲妤則說：「我都25歲，朋友擔心我俾人呃都傳咗報道畀我睇，但當事人絕對唔係我，我係有身材又有腦，我識分邊啲富二代係真係假。」
E奶𡃁模許穎（Phoebe）自爆有人曾透過經理人邀她飯局，她昨日說：「收錢食飯好古怪，我自己唔接受。」Phoebe指涉及金錢報酬工作必經公司安排，她說：「我絕對唔會單獨應約，女仔一定要有危險意識，咁樣係冒險，我一定搵人陪自己。」富貴𡃁模鍾采羲（Iris）昨日否認：「我有冇咁等錢使先？」她自言受過高等教育，不會作不道德交易，她笑說：「我驚撞到老竇同屋企人，我唔能夠話個受害人戇居，但呼籲啲女仔唔好咁儍。」
趙碩之昨日直言狂接查問電話，她說：「雖然外間以為大名雪我冇job，但我唔窮，應約飲嘢真係要小心啲，唔知係個受害人太貪小便宜，定係佢真係試過，放低戒心。」
向西女郭穎兒（Celia）昨日也回應說：「聽過其他模特兒有呢啲，但自己未試過咁好彩有人出咁多錢傾偈。人一定有貪心，唔知對方係咪好有需要，但呢個世界冇免費午餐，今次係同行一個借鏡。」Naomi昨日說：「受害人25歲都冇分析能力，唔通真係以為咁筍，15萬飲杯嘢，做人真係便宜莫貪。」
■廖碧兒昨謂只會跟熟朋友飲酒。 廖碧兒：唔恨呢啲錢
此外，不是𡃁模的廖碧兒昨日被記者提問𡃁模被姦劫，15萬酬金見財化水之餘，還被偷去財物，醒目廖碧兒說：「我唔恨呢啲錢，佢應該收咗先嘛，𠵱家電話都冇咗，好唔抵。」她表示為策安全只會跟熟朋友飲酒。
採訪、攝影：李珮洳、丁寧
o靚模搵快錢實錄 202,293
𡃁模賣肉出寫真博上位，盛夏後可以真正靠實力留低的寥寥可數，當中有𡃁模不惜出賣自己來賺錢。
個案１：出海拍淫片
一線暴乳𡃁模早前被富豪看中，對方闊綽出價100萬邀暴乳𡃁模上遊艇，男方卻暗自把他們上床的片段拍下，女方完全沒有發現。富豪事後更把淫片與友人分享，暴乳𡃁模卻懞然不知。
個案２：大茄叫價高
有𡃁模為求搵快錢出賣色相，視出席飯局和直落開房為工作。那些𡃁模堅持保持幕前演出，因為知名度會令她們身價提升，即使做茄喱啡，她們飯局最少都有幾千蚊入袋，開房價就由兩萬到十萬蚊不等。
個案３：導演友誼波
不少𡃁模都被踢爆曾變臉和打假波，為求拍戲上位，她們的撒手鐧不外乎色誘導演。𡃁模「阿癲」最初只肯送內地外賣，貪內地富豪夠疏爽，但近年為拍戲，她即轉向色誘導演，與好色導演常打友誼波。
「爆E超蓮」鬧爆死蠢 趙碩之：要保護自己
o靚模風化案又再發生，上周六將軍澳一間酒店發生姦劫案，由於事主乃一名25歲o靚模，不但疑遭迷姦，還被盜去身上六千多元財物，自然轟動全城！亦令圈中不少25歲o靚模捲入漩渦，現年同是25歲的「爆E超蓮」鍾采羲（Iris）、「岩石胸」趙碩之均否認是受害人，以免被對號入座。
雖然o靚模聲勢已大不如前，但仍是圈中神秘飯局的目標對象，行內只是秘而不宣。上周六將軍澳某酒店發生的o靚模被姦劫案，一名25歲女模特兒疑遭一名台灣「富二代」男子迷姦，女事主更被盜去價值六千元手機及三百元現金，警方接報到場後，把案件暫列作盜竊及強姦案處理。
據知，對方付出15萬元酬勞，女事主答應陪對方在酒店飲酒傾偈，當中並不包括性服務，想不到最後發生不愉快事。
趙碩之曾被人問價，她即時say no。
A. Lin
Hailey C.：衰貪心
事件爆出後，不少25歲o靚模無辜被捲入桃色漩渦，「爆E超蓮」Iris接受電話訪問時說：「梗唔係我啦！識我嘅人就知我唔會做呢啲嘢，我覺得個女仔無知、可憐同蠢，15萬出嚟飲嘢都知道唔係咁簡單啦。」問是否覺得無辜？她說：「唔無辜，我又唔係受害人，相比個女仔，真係小巫見大巫！」而趙碩之亦說：「一定唔係我，依家我喺澳門，起初唔知發生乜事，了解之後，我覺得陌生人約你食飯同飲嘢真係幾危險，要識得保護自己，要避忌啲。」她又表示曾被人問價：「有次有個神秘人問我有冇興趣食飯，即時say no啦！」
Hidy
Lavina
Hailey C.
Rika
近年轉戰內地打碟的Lavina（鍾蕙芝）都否認自己為受害人：「我覺得個女仔又蠢又傻，應知道15萬出嚟飲嘢，邊有咁簡單！」還有三個月便滿25歲的Hailey C.（陳俞希）認為女事主十分可憐：「梗唔係我啦，我非常清楚自己嘅位置，只係覺得個女仔慘同可憐，其實唔貪心就唔會發生呢啲事。我一定唔會畀呢啲事發生，就算自己一個去casting都會同朋友講聲先。」
Hidy：我唔會中招
至於同經理人公司的Hidy（余曉彤）和Rika（王麗嘉）卻表示事不關己，認為女事主都有責任，Hidy說：「個女仔係慘，不過做得呢行都知道有呢啲事發生，唔係咁純情以為15萬飲一杯嘢咁簡單，我一定唔會中招囉！如果有人咁對我，一腳踢佢去大西洋。」身在加拿大的Rika則說：「我返加拿大都一段時間，呢度只有山有水，啲人比較簡單冇咁複雜，唔會呃人。唉，希望個女仔盡快走出傷痛啦，總之唔係我！」至於快將25歲的A. Lin（裴殷）說：「我唔會為錢同唔識嘅人食飯，不過真係戥個女仔慘，大家都知道啦，呢個世界咁多壞人，要諗清楚自己想點。」
文：專案組
周秀娜籲帶眼識人
周秀娜入行六年，見盡o靚模興衰，曾自稱被邀請出席神秘飯局的她，勸勉女仔應該要好好保護自己，要學識潔身自愛、帶眼識人，以免被騙：「遇到陌生人要識得say no！其實我試過喺台灣拍緊戲，收過奇怪電話，有個女人話希望我同佢老闆食飯，但我完全唔識佢o架，佢仲話食完飯我就有幾多幾多錢，我就同佢講電話費好貴，咁就收線。」
娜姐師妹何佩瑜（Jeana）則說：「都25歲人啦，仲咁唔成熟！呢個係一個大教訓，連最珍貴嘅嘢都冇埋，so sad。」
現年21歲，但已入行多年的胡心諾（Rainbow）亦說：「邊有可能15萬出嚟傾偈咁簡單，25歲智商唔應該係咁，我都有收過類似嘅問價email，但係每次見到都唔會回覆。」
Jeana
Rainbow唔會覆問價email。
經理人Admond爆問價4法
對於有o靚模墮入富二代迷姦掠財騙局，模特兒公司經理人Admond昨接受本報電話訪問時，直認圈中不時有人會向o靚模埋手問價，方法更層出不窮：「我有聽過有人搵o靚模坐枱，呢啲人搵獵物嘅手法有四種：一係去啲藝人同模特兒蒲開嘅夜場，私下問佢有冇興趣去食飯，二係透過whatsapp同facebook間接問。第三種猖狂到直接打去模特兒公司問，我都接過類似嘅電話，我當然即刻婉拒，幫旗下嘅女仔擋，叫啲女仔盡量避免去接觸呢啲人，要識得保護自己！而第四種係可能係過來人（出席過類似飯局），會介紹其他女仔去。」
Admond（右）不時帶o靚模出席活動，見盡不少光怪陸離之事。（資料圖片）
談到「飯局」價，Admond表示通常十萬起錶：「出呢啲價錢梗係有啲玄機o架喇，好容易sense到，咁就千祈唔好接。」
廖碧兒亂噏：應該收錢先
廖碧兒（Bernice）昨日為電台拍攝劇集，對於有o靚模為15萬酬勞被姦劫，不但冇錢收還人財兩失，對此，Bernice口快快的說：「咁真係好唔抵，佢應該收咗錢先，依家仲連電話都冇埋！（去夜店會小心飲酒？）如果喺香港都盡量去番自己嘅酒吧，而且多數係同自己相熟嘅朋友先去。」
Bernice即晚便飛往加拿大做騷，逗留兩日便飛內地拍劇，情人節將至，她坦言沒有男朋友，已被父母催促拍拖。
馬詩慧：付錢陪飲唔正經
名模馬詩慧與老公王敏德出席活動時，對於有o靚模墮入迷姦掠財騙局，馬詩慧慨嘆：「咁都有人信？似乎《警訊》幫唔到人，邊有咁大隻蛤乸隨街跳？唔好話我聽佢冇諗過人哋係呃人，否則就係自己呃自己。」她說付錢陪飲酒傾偈，意識思維不正確，應意識到不正經，她認為該「富二代」和事主的自我價值觀都放在物質上，以為錢可以買到所有東西。
馬詩慧覺得身為父母要正視問題，她說子女讀書是學習做人道理、對人態度和價值觀，不是凡事向錢看。
留言列表
{{ article.title }}
